Prezıdent keńesshisi Qanat Bozymbaev koronavırýs juqtyrdy

ASTANA. KAZINFORM — Prezıdent keńesshisi Qanat Bozymbaev syrqattanyp qaldy. 

Bul aqparatty Aqordanyń baspasóz qyzmeti rastady.

«Memleket basshysynyń keńesshisi Qanat Aldabergenuly Bozymbaev koronavırýsqa PTR test tapsyryp, ol oń nátıje berdi. Naýqastanýyna baılanysty qazir demalysta, emdelip jatyr» dep jaýap berdi Aqordanyń baspasóz qyzmeti agenttik joldaǵan saýalǵa.  

Aıta keteıik, Qanat Bozymbaev 2023 jyldyń 4 jeltoqsanynan beri Qazaqstan Respýblıkasy Prezıdentiniń keńesshisi qyzmetin atqaryp keledi.