Prezıdent keńesshisi: Qazaqstan klımattyń ózgerýin nazarda ustaýy kerek

NUR-SULTAN. QazAqparat – «Ult múddesi» baǵdarlamasynda QR Prezıdentiniń Ekonomıkalyq damý máseleleri jónindegi keńesshisi Ser Sýma Chakrabartı klımattyń qubylýy da ekonomıkaǵa pandemııadan kem soqpaıtyn zardap ákelýi múmkin ekenin aıtty, dep habarlaıdy QazAqparat tilshisi.

«Pandemııadan bólek klımattyq ózgeristerdi nazarda ustaýymyz kerek. 20 jyl buryn bul taqyryp eshkimdi de alańdatpaıtyn. Qazir báriniń nazary klımatta. Ár el óz álinshe zerttep jatyr. Halyqaralyq Valıýta Qory, Dúnıejúzilik bank sııaqty qarjy alpaýyttary Qazaqstandy da, basqa memleketterdi de jiti baqylap otyr. Klımattyń ózgerýine qalaı áreket etip jatyr, tyǵyryqtan qalaı jol tappaqshy degenniń bárin nazarda», - deıdi Memleket basshysynyń keńesshisi.

Onyń aıtýyna qaraǵanda, Úkimet osy turǵyda da tyńǵylyqty oıllanyp, naqty sharalardy oılastyrý kerek.

«Árıne, bul jańa synaq deýge bolady. Biraq Qazaqstan ekonomıkasy ornyqty bolýy úshin bul synaq ta biz úshin qalypty qubylysqa aınalýy kerek. Bul ońaı sharýa emes, biraq men Úkimet te, Prezıdent te klımat máselesine shyn máninde kóńil aýdaryp, naqty aınalysady dep senemin», - dedi Ser Sýma Chakrabartı.