Prezıdent keleshekte «Toqaev kezeńine» qandaı baǵa beriletini týraly oı bólisti

ASTANA. QazAqparat – Aldaǵy saılaý bizdiń jańa jetistikterimizdiń negizin qalaıtynyna, jańa saıası dáýirdiń tiregi bolatynyna senimdimin. Ondaǵan jyldar ótkende bul kezeńdi shynaıy betburysty sheshimder men túbegeıli ózgerister dáýiri retinde eske alady. Kezekten tys prezıdent saılaýynda Qasym-Jomart Toqaevtyń kandıdatýrasyn qoldaý jónindegi halyqtyq koalıtsııa forýmynda sóılegen sózinde QR Prezıdenti osylaı málim etti, dep habarlaıdy QazAqparat tilshisi.

«Birinshi orynǵa naqty bireýge jáne klandarǵa ǵana baǵyttalǵan múddeler emes, qýatty saıası ınstıtýttar men jalpyulttyq basym baǵyttar shyǵady. Bizge myǵym parlamenttik dástúri bar prezıdenttik respýblıka qajet.

Sondyqtan, «kúshti Prezıdent – yqpaldy Parlament – esep beretin Úkimet» dep atalatyn memlekettik qurylystyń negizgi formýlasy únemi jańa sapaly mazmunmen tolyǵyp otyrady. Aldaǵy saılaý tsıklinde Prezıdent, Májilis jáne búkil deńgeıdegi máslıhattar saılaýy kezeń-kezeńimen ótedi. Nátıjesinde jańa ádil qaǵıdattar negizinde osy bılik ınstıtýttary sapaly turǵyda jańartylady. Bul reformalardyń belgilengen qarqynyn saqtap, jańa aýqymdy qaıta qurýlarǵa jol ashady», - dedi Qasym-Jomart Toqaev.

Prezıdenttiń paıymynsha, elde shuǵyl sheshýdi talap etetin óte kóp másele qordalanǵan.

«Aldaǵy saılaý bizdiń jańa jetistikterimizdiń negizin qalaıtynyna, jańa saıası dáýirdiń tiregi bolatynyna senimdimin. Ondaǵan jyldar ótkende bul kezeńdi shynaıy betburysty sheshimder men túbegeıli ózgerister dáýiri retinde eske alady. Men buǵan senemin, tipti kózim jetedi», - dedi Memleket basshysy.