Prezıdent «Keleshek murasy» halyqaralyq syılyǵyn tapsyrý rásimine qatysty

ASTANA. KAZINFORM – Memleket basshysy Qasym-Jomart Toqaev Ortalyq Azııa elderiniń jáne Ázerbaıjan prezıdentterimen birge «Keleshek murasy» halyqaralyq syılyǵyn tapsyrý rásimine qatysty. 

Ózbekstan Prezıdenti Shavkat Mırzıeevtiń aıtýynsha, bıyl taǵaıyndaǵan bul syılyq dástúrdi jańǵyrtýǵa, ónerdi damytýǵa, sondaı-aq ulttyq rýhanı murany nasıhattaýǵa eleýli úles qosqan mádenıet qaıratkerlerine beriledi.

Qazaqstannan akter Erkebulan Daıyrov «Teatr jáne kıno» atalymy boıynsha «Keleshek murasy» syılyǵynyń laýreaty atandy. 

Eske salsaq, buǵan deıin Qazaqstan, Ózbekstan, Qyrǵyzstan jáne Tájikstan basshylary Islam órkenıeti ortalyǵyna kelgenin jazǵanbyz.