Prezıdent kedendik ákimshilikti qatań baqylaýǵa alýdy tapsyrdy
«Men aıtqan jobalarǵa qarajat salyq ákimshiligin túbegeıli jaqsartýdyń esebinen túsýi kerek. Máselen, kedendik ákimshilik boıynsha bizde bir málimet bar da, Qytaı tarapynda odan bólek ekinshi málimet aıtylyp jatady. Ol kórsetkishterdiń arasynda mıllıardtar jatyr. Eshkim de eshteńe bilmeıdi. Surasań, qaıdaǵy bir bastyqtar kedendi ustap tur deıdi. Qaıdaǵy bastyqtar? Maǵan olardyń kim ekenin atańdarshy. Olardy ustap, qylmystyq jaýapkershilikke tartyńdar. Ol jaqtaǵy jumysty retke keltire otyryp, biz birneshe júz mlrd teńge ala alamyz. Sol sekildi, basqa bıýdjettik shyǵyndardy qysqartý kerek bolar. Memlekettik satylymǵa 4 trln teńge ketip jatyr. Bári de bir jerden berilýde. Osy baǵytta jumysty retteı bastap edik, qarajat túse bastady. Memlekettik satylymdy tolyǵymen básekeli ortaǵa berýimiz kerek. Qymbat ári jaısyz nysandardy qarjylandyrýdy qoıý kerek. Bıýdjetti qurar kezde «jobalyq-smetalyq qujatym bar, maǵan aqsha ber» deıdi», - dedi Nursultan Nazarbaev «Nur Otan» partııasynyń kezekti XVIII sezinde.
Prezıdent óz sózinde Úkimet pen Qarjy mınıstrligine salyq ákimshiligin jaqsartý baǵytynda tapsyrma berdi.
«Osy sharalar aldaǵy 3 jylda bıýdjetke 1 trln teńgeden astam qarajat alyp keledi. Sonymen birge, ulttyq qordan taǵy 1 trıllıon 230 mlrd bólemiz. 2 trıllıon 350 mlrd - «Nur Otan» partııasy, ózińizge túrtip alyńyz. Árbir tıynnyń halyqqa jetýin qamtamasyz eteıik», - dedi Elbasy.
Eske sala ketsek, elordadaǵy Táýelsizdik saraıynda Elbasy Nursultan Nazarbaevtyń tóraǵalyǵymen «Nur Otan» partııasynyń kezekti XVIII sezi ótip jatyr. Sezdiń kún tártibinde birneshe máseleni qarastyrý kózdelgen. Atap aıtqanda, aldymen «Nur Otan» partııasynyń 2030 jylǵa deıingi baǵdarlamasy týraly másele qozǵalady. Odan keıin partııanyń Jarǵysyna ózgerister men tolyqtyrýlar qarastyrylyp, partııa Saıası keńesiniń jəne Ortalyq baqylaý-tekserý komıssııasynyń esepti kezeń boıynsha jumysynyń qorytyndylary shyǵarylady. Sonymen qatar partııa Saıası keńesiniń jəne Ortalyq baqylaý-tekserý komıssııasynyń músheleri saılanatyn bolady.
Sezd jumysyna 2 myńǵa jýyq adam qatysyp jatyr. Onyń 1200-i - elimizdiń barlyq óńirinen kelgen delegattar, al qalǵan 800-ge jýyǵy - qonaqtar.
