Prezıdent qazaqtyń Ánuranyn aıtyp júrgen Dımashtyń sheteldik jankúıerleri jaıly: Ónerdiń qudireti degenimiz - osy

ASTANA. KAZINFORM – Memleket talantty jastarǵa árdaıym jan-jaqty qoldaý kórsetedi. Bul týraly búgin Aqordada mádenıet jáne óner qyzmetkerlerin kásibı merekelerimen quttyqtaǵan Memleket basshysy Qasym-Jomart Toqaev aıtty.

«Aǵa býynnyń ónerdegi jolyn qazirgi jastarymyz laıyqty jalǵastyryp keledi. Osy sabaqtastyqty saqtaý óte mańyzdy. Halqymyz «El ishi – óner kenishi» degen. Búginde kóptegen ul-qyzdarymyz erekshe darynymen búkil álemdi tań qaldyrýda. Tipti, qazaq fonemeni degen uǵym paıda boldy. Dımashtyń biregeı ónerine tánti bolǵan túrli eldiń azamattary Qazaqstannyń Ánuranyn aıtyp, kók týyn jelbiretip júr. Ónerdiń qudireti degenimiz de osy» - dedi Qasym-Jomart Toqaev.

Memleket basshysy shyn máninde óner adamynyń basty mıssııasy halyqtyń rýhyn kóterý ekendigin basa aıtty. 

«Al rýhy bıik, mádenıeti joǵary el kez kelgen belesti baǵyndyra alady. Sondyqtan memleket talantty jastarǵa árdaıym jan-jaqty qoldaý kórsetedi», - dedi Prezıdent.