Prezıdent Qazaqstannyń orman alqabyn arttyrýǵa qatysty pikir bildirdi
NUR-SULTAN. QazAqparat – XVII Qazaqstan men Reseı óńiraralyq yntymaqtastyq forýmynda QR Prezıdenti Qasym-Jomart Toqaev el aýmaǵynda orman alqabyn arttyrý jumystaryn aıtty, dep habarlaıdy QazAqparat tilshisi.
Prezıdent forým barysynda Qazaqstan ormany az memleketter qatarynda ekenin eske saldy. Orman qory alańy 30 mln gektardy quraıdy nemese aýmaqtyń 11 paıyzy shamasynda.
«Bıyl eldi jasyldandyrý boıynsha aýqymdy baǵdarlama bastaý aldy. 2025 jylǵa deıin 2 mlrd aǵash otyrǵyzý josparlanǵan», - dedi Q. Toqaev.
Sonymen qatar Memleket basshysy Aral teńiziniń qurǵaýy iri ekologııalyq apat bolǵanyn, osy oraıda tuzdy shóleıtter paıda bolǵanyn aıtty. Qumdy daýyldar atmosferaǵa iri kólemde zııandy tuzdardy shyǵarady. Sondyqtan Araldyń qurǵaǵan túbine sekseýil otyrǵyzýdy arttyrý boıynsha Qazaqstanǵa arnap ózbekstandyq áriptestermen birge bólek baǵdarlama qabyldanǵan. 2025 jylǵa qaraı 1,5 mln gektar qamtylmaq.
Budan buryn habarlanǵandaı, búgin Kókshetaýda Memleket basshysy Qasym-Jomart Toqaev pen Reseı Prezıdenti Vladımır Pýtınniń qatysýymen eki eldiń XVII Óńiraralyq yntymaqtastyq forýmy onlaın formatta ótip jatyr.
