Prezıdent Qazaqstannyń birqatar memlekettegi elshilerin qyzmetinen bosatty

NUR-SULTAN. QazAqparat - Qazaqstan Prezıdenti Qasym-Jomart Toqaevtyń Jarlyǵymen Sıngapýr, Jańa Zelandııa, Germanııa, Iordanııa, Irak, Lıvan jáne Palestına memleketterindegi elshiler laýazymdarynan bosatyldy. Bul týraly Aqordadan málim etti, dep habarlaıdy QazAqparat.

Atap aıtqanda, Memleket basshysynyń Jarlyqtarymen:

Úsen Ábdiqadyruly Súleımen Qazaqstan Respýblıkasynyń Sıngapýr Respýblıkasyndaǵy Tótenshe jáne Ókiletti Elshisi qyzmetinen, Qazaqstan Respýblıkasynyń Jańa Zelandııadaǵy Tótenshe jáne Ókiletti Elshisi qyzmetin qosa atqarýdan;

Bolat Turaruly Núsipov Qazaqstan Respýblıkasynyń Germanııa Federatıvtik Respýblıkasyndaǵy Tótenshe jáne Ókiletti Elshisi qyzmetinen;

Azamat Rahmanqululy Berdibaı Qazaqstan Respýblıkasynyń Iordan Hashımıttik Koroldigindegi Tótenshe jáne Ókiletti Elshisi qyzmetinen, Qazaqstan Respýblıkasynyń Irak Respýblıkasyndaǵy, Lıvan Respýblıkasyndaǵy, Palestına Memleketindegi Tótenshe jáne Ókiletti Elshisi qyzmetin qosa atqarýdan bosatyldy.

Buǵan deıin Prezıdent Jarlyǵymen Qazaqstan Respýblıkasynyń Sıngapýr, Germanııa, Iordanııadaǵy Elshileri taǵaıyndalǵanyn habarlaǵan bolatynbyz.