Prezıdent Qazaqstannyń 2035 jylǵa deıingi energetıkalyq balansyn ázirleýdi tapsyrdy
«Eldi ary qaraı damytýda mańyzdy tetikterdiń biri – elektr energııasy júıesiniń úzilissiz ári senimdi jumysy. Keıingi kezde kórshi elderdiń elektr júıelerine degen tarıhı táýeldiliktiń saldarynan ońtústik óńirlerdi elektrmen qamtýda máseleler paıda bola bastady. Osy jyldyń 10 qańtarynda Batys Qazaqstanda tirkelgen apattyq oqıǵa atalǵan aımaqtyń elektr júıesindegi kemshilikterdi aıqyndap berdi. Men Úkimet pen «Samuryq-Qazyna» qoryna az ýaqytta elektr energııasy júıesiniń ońtústik aýmaǵynda jumysty kúsheıtýdi, sonymen qatar eldiń batys aımaqtarymen tranzıttik baılanysty kúsheıtý isin tapsyramyn», - dedi Qasym-Jomart Toqaev Úkimettiń keńeıtilgen otyrysynda.
Prezıdenttiń aıtýynsha, aldaǵy ýaqytta eldiń batysy men ońtústiginiń elektr júıesin Qazaqstannyń biryńǵaı elektr energııasy júıesine qosý kerek.
«2027 jylǵa qaraı elekr qýatynyń jetispeýshiligin eskere otyryp, Úkimetke Qazaqstan Respýblıkasynyń 2035 jylǵa deıingi energetıkalyq balansyn ázirleýdi tapsyramyn», - dedi Prezıdent.
