Memleket basshysy Qazaqstannyń úlken maqsatyn atady
ASTANA. KAZINFORM — Zor múmkindiktermen qatar, úlken qaýip-qaterler de qatar júretin dáýirde enjarlyq tanytý tarıhı jeńilispen para-par. Bul jóninde Qazaqstan halqyna Joldaýyn jarııalaý kezinde Prezıdent Qasym-Jomart Toqaev málimdedi.
– Aldymyzda bir úlken maqsat tur. Ol – Ádiletti, Qýatty, Taza ári Progressıvti Qazaqstandy qurý. Biz zor múmkindiktermen qatar, úlken qaýip-qaterler de qatar júretin dáýirge qadam bastyq. Ulttyń bolmysy dál osyndaı taǵdyrsheshti kezeńderde aıqyn kórinedi. Enjarlyq tanytyp, kútip otyrý tarıhı jeńilispen teń. Zaman talabyna beretin birden-bir durys jaýap – strategııalyq turǵydan ozyq áreket etip, Qazaqstannyń bolashaq kelbetin qalyptastyrý. Áıtpese, biz únemi basqalardyń sońynan qýyp jetýge tyrysatyn damý jolynanan shyǵa almaımyz, – dedi ol.
Sonymen qatar, Prezıdent Memleket progresiniń eń joǵary ólshemi ári barlyq reformanyń oń nátıjelerin tutynýshy, ıaǵnı qazirgi tilmen aıtqanda, basty benefıtsıary azamattarymyz ekenin atap ótti.
– Sondyqtan meniń strategııalyq baǵdaryma ózek bolatyn basty ıdeıa – Ádilettilik, – dedi ol.
Aıta keteıik, buǵan deıin Prezıdent el damýynyń uzaqmerzimdi basymdyqtaryna arnalǵan qujat ázirleýdi tapsyrdy.
