Prezıdent qazaqstandyqtardy Otan qorǵaýshy kúnimen quttyqtady
ASTANA. KAZINFORM - Qazaqstan Prezıdenti Qasym-Jomart Toqaev qazaqstandyqtardy Otan qorǵaýshy kúnimen quttyqtady. Kazinform Memleket basshysy quttyqtaýynyń tolyq mátinin jarııalaıdy.
Qadirli otandastar!
Sizderdi Otan qorǵaýshy kúnimen quttyqtaımyn!
Elimizdegi beıbitshilik pen tynyshtyqty saqtap, qasterli qundylyqtardy ornyqtyra túsý úshin bul merekeniń mańyzy zor.
Áskerı boryshty óteý Otanǵa degen shynaıy súıispenshiliktiń jarqyn kórinisi ekeni anyq. Halyqqa qaltqysyz qyzmet etý – árbir adal azamattyń perzenttik paryzy.
Qazaqstan ulttyq múddeni qorǵaýǵa, aýmaqtyq tutastyqty saqtaýǵa jáne turaqtylyqty qamtamasyz etýge basa mán beredi. Aıbyndy armııamyz egemendigimizdiń kepili, memlekettiligimizdiń myzǵymas tiregi sanalady.
Biz áskerimizdiń áleýetin oqý-jattyǵý jıyndarynda ǵana emes, naqty mindetterdi júzege asyrý barysynda da kórip júrmiz.
Alapat tasqyn el-jurtqa qaýip tóndirgende, sarbazdarymyz aldyńǵy shepten tabyldy. Olar ózderine júktelgen mindetti minsiz atqaryp, otanshyldyqtyń ozyq úlgisin kórsetti.
Elimizdiń qorǵanys qabiletin kúsheıtý jáne áskerı qyzmetkerlerdi qoldaý qashanda memlekettik saıasattyń basym baǵyty bolyp qala beredi.
Qarýly Kúshterimizdiń mereıi ústem bolsyn!
Barshańyzǵa zor densaýlyq, baq-bereke tileımin!
