Prezıdent Qazaqstandy Eýrazııanyń iskerlik habyna aınaldyrý jóninde aıtty
ASTANA. KAZINFORM — «Alataý qalasynyń arnaýly quqyqtyq rejımi týraly» Konstıtýtsııalyq zań áleýetin durys paıdalanǵan jón. Bul týraly Memleket basshysy Qasym-Jomart Toqaev Parlament palatalarynyń sońǵy birlesken otyrysynda málim etti.
— Men osyǵan deıin elimizde jańa ıvestıtsııalyq kezeń bastalatynyn aıtqan edim. Biz sol arqyly ekonomıkamyzdy ártaraptandyrýdy kózdep otyrmyz. Ártaraptandyrý degenimiz — jaı ǵana uran nemese jaǵymdy sóz emes, óte kúrdeli jáne jaýapty mindet, oǵan ústirt qaraýǵa bolmaıdy, — dedi Prezıdent.
Byltyr Qazaqstanǵa tartylǵan tikeleı shetel ınvestıtsııasynyń kólemi 14% artyp, 20 mıllıard dollardan asqan. Kapıtal negizinen óńdeý ónerkásibi, kólik-logıstıka, qarjy jáne tsıfrlyq ınfraqurylym syndy keleshegi zor salalarǵa baǵyttalýda.
— Bul el damýy úshin óte jaqsy úderis ekeni sózsiz. Osy oraıda, men mamyr aıynda qol qoıǵan «Alataý qalasynyń arnaýly quqyqtyq rejımi týraly» Konstıtýtsııalyq zańnyń mańyzy zor. Atalǵan zań sheteldik jáne otandyq bıznes úshin tyń múmkindikterge jol ashady. Sondyqtan bul biregeı zańnamalyq aktiniń áleýetin durys paıdalanǵan jón, — dep atap ótti Prezıdent.
Damýy qarqyndy tsıfrlyq megapolıster, ınnovatsııalyq klasterler jáne ónimdiligi joǵary ındýstrııa qalyptastyrý Qazaqstandy Eýrazııanyń tehnologııalyq turǵydan órkendegen iskerlik habyna aınaldyrýdy kózdeıdi.
— Keń baıtaq óńirimizde buryn-sońdy bolmaǵan bul joba tabysty iske asqan jaǵdaıda (Al biz muny sátti júzege asyrýǵa mindettimiz), ornyqty ekonomıkalyq ósimniń múldem jańa modeli paıda bolady, — dedi Qasym-Jomart Toqaev.
Buǵan deıin Prezıdent Quryltaı saılaýyn ótkizý týraly arnaıy Jarlyqqa qol qoıatynyn, onyń quramyna úzdikter ǵana kirýi keregin aıtqan edi.
30 jylda Parlament 3,5 myńǵa jýyq zań qabyldaǵan.
Sondaı-aq, Elektrondyq Parlamentti damytýǵa basymdyq beriledi.
