Prezıdent Qazaqstan Ýnıversıadaǵa bes jyl daıyndalǵandyǵyn aıtty
"Elimizge kelgen qurmetti qonaqtar, sportshylar men jankúıerler. Ýnıversıadanyń ashylý kúnine deıin biz bes jyl daıyndaldyq, bul bes jyldyq jol bizdi qaırattandyra tústi, ortaq maqsatqa jumyldyryp, Almaty sııaqty megapolıstiń kelbetin ózgertti",-dedi Prezıdent.
Sondaı-aq, Nursultan Nazarbaev Ýnıversıadany uıymdastyrýǵa qoldaý kórsetken Halyqaralyq stýdenttik sport federatsııasyna jəne onyń prezıdenti Oleg Matytsınǵa tikeleı alǵysyn jetkizdi.
"Osy jahandyq merekeniń daıyndyǵyna qatysqandardyń barlyǵyna, sonyń ishinde, Qazaqstannyń úsh myńǵa tarta jas eriktilerine alǵys aıtamyz. Osy stadıonda əlemniń júzdegen oqý ornynan stýdentter kelip, baq synaǵaly otyr. Biz senderdiń aralaryńda bolashaq Olımpıada chempıondary men əlem sportynyń juldyzdary bar dep senemiz", - dedi Elbasy.
Aıta keteıik, búgin Almatyda 28-inshi Dúnıejúzilik qysqy Ýnıversıada oıyndarynyń ashylý saltanaty ótti. Sharaǵa qatysqan QR Prezıdenti jastar saıysyna 57 elden 2 myńnan astam sportshy, myńdaǵan sport mamany men jankúıer qatysyp jatqanyn atap ótti. Ashylý rásiminde sportshylar sherýin 28-inshi Ýnıversıadanyń ıesi - Qazaqstan quramasy aıaqtady. Elimizdiń baıraǵyn shańǵyshy Dáýlet Rahymbaev alyp júrdi. El namysyn barlyǵy 175 sportshy qorǵaıdy.
