Prezıdent Qazaqstan temir joly ulttyq kompanııasynyń ardageri Qaltaı Sámbetovti marapattady

ASTANA. KAZINFORM — Prezıdent Jarlyǵymen Qazaqstan temir joly ulttyq kompanııasynyń ardageri Qaltaı Sámbetov marapattaldy. Bul týraly Aqorda málim etti.

— Prezıdent Jarlyǵymen Qazaqstan Respýblıkasynyń temirjol salasyn jáne kólik ınfraqurylymyn damytýǵa qosqan aıryqsha úlesi úshin Qazaqstan temir joly ulttyq kompanııasynyń ardageri Qaltaı Sámbetovke joǵary dárejeli erekshelik belgisi — «Qazaqstannyń Eńbek Eri» ataǵy berilip, aıryqsha erekshelik belgisi — Altyn juldyz ben «Otan» ordeni tapsyryldy, — delingen habarlamada.

Ol 66 jyl úzdiksiz jumys istep, temirjol salasyn jáne kólik ınfraqurylymyn damytýǵa zor úles qosqan. Eń joǵary memlekettik nagrada kólik salasynyń ókiline alǵash ret tabystalyp otyr.

Buǵan deıin habarlanǵandaı, Prezıdentke Soltústik Qazaqstan oblysynyń damý qarqyny týraly esep berildi.