Prezıdent «Qazaqstan temir joly» basqarma tóraǵasyn qabyldady

ASTANA. KAZINFORM —  Memleket basshysy «Qazaqstan temir joly» UK» AQ basqarma tóraǵasy Talǵat Aldybergenovti qabyldady. Bul týraly Aqordanyń baspasóz qyzmeti habarlady. 

Prezıdentke ulttyq kompanııa qyzmetiniń nátıjeleri týraly málimet berildi.

Talǵat Aldybergenov:

ıylǵy birinshi jartyjyldyqtyń qorytyndysy boıynsha eksplýatatsııalyq júk aınalymy 8,6 paıyzǵa ulǵaıǵanyn aıtty.

Tranzıt tasymalynyń kólemi 14,6 mıllıon tonnaǵa jetken.

Transulttyq temirjol dálizin qalyptastyrý úshin 1700 shaqyrymnan astam jańa jeli salynyp, 3 myń shaqyrym jol jańǵyrtylyp jatqany týraly baıandady:

bıyl Dostyq-Moıynty ýchaskesindegi joldyń ekinshi bóligi jáne Almaty beketin aınalyp ótetin temir jol jelisiniń qurylysy aıaqtalady;

Darbaza – Maqtaaral jobasyn iske asyrý jalǵasýda;

Baqty – Aıagóz jáne Qyzyljar – Moıynty jelileriniń qurylysy bastaldy.

Termınal jelilerin keńeıtý jumystary júrgizilip jatqany jóninde málimet berdi.

Tsıfrlandyrý máselesine aıryqsha nazar aýdarylatynyn jetkizdi:

Álemdik deńgeıdegi ınnovatsııanyń kóshbasshylarymen birlesip, temirjol kóliginiń sapasyn jaqsartý jáne qaýipsizdigin qamtamasyz etý jumystary qolǵa alynǵan;

Transkaspıı halyqaralyq kólik dálizindegi tranzıttik deklaratsııany resimdeý ýaqyty 8 saǵattan 30 mınýtqa deıin qysqardy.

Memleket basshysy Qazaqstannyń tranzıt áleýetin jáne ekonomıkasyn damytýda kompanııa úlken ról atqaratynyn atap ótip, kólik ınfraqurylymyn odan ári jańǵyrtýdyń mańyzyna toqtaldy.