Prezıdent Qazaqstan tarıhy men dúnıejúzi tarıhy boıynsha biryńǵaı oqýlyqtardy engizýdi tapsyrdy
«Oqýshylardy oqytý men damytýdyń basqa da túrleri arasynda durys teńgerim bolýy kerek. Álemdik tendentsııany eskere otyryp, matematıka, til, ınformatıka sekildi basymdyqty pánderge erekshe mán bergen jón. Oqýlyqtar sapasy boıynsha kóterilip júrgen máseleler bar», - dedi Prezıdent Úkimettiń keńeıtilgen otyrysynda.
«Tarıhı oqıǵalar men faktiler oqýshylarǵa eshbir burmalaýsyz jetkizilýi kerek. Sondyqtan «Qazaqstan tarıhy» men «Dúnıejúzi tarıhy» boıynsha biryńǵaı mektep oqýlyqtaryn daıarlap, engizýdi tapsyramyn», - dedi Memleket basshysy.
Sonymen qatar Prezıdent 900 myńǵa jýyq bala 11 myń mektepke deıingi mekemelerde tárbelenip jatqanyn atap ótti. Alaıda onyń ishinde 36 paıyzynda káriz júıesi joq, 29 paıyzy ystyq sýmen jáne 11 paıyzy jyly dárethanamen qamtamasyz etilmegen.
«Osyǵan nazar aýdaryńyzdar, barlyq ákimder bul máseleni qadaǵalaýǵa alýy kerek», - dedi Q. Toqaev.
