Prezıdent Qazaqstan Respýblıkasynyń Sý kodeksine qol qoıdy

ASTANA. KAZINFORM — Memleket basshysy Qasym-Jomart Toqaev Sý kodeksine qol qoıdy. Bul týraly Aqorda málim etti. 

— Kodekstiń birinshi blogy sý únemdeýdiń jańa tetikterin engizýge jáne sý nysandaryn qorǵaýǵa baǵyttalǵan. Zańnamaǵa alǵash ret «sý qaýipsizdigi» uǵymy engizildi. Bul azamattar men el ekonomıkasyn sý tapshylyǵynan, al sý nysandaryn lastanýdan qorǵaýdy, sondaı-aq transshekaralyq sý nysandaryn qorǵaý men paıdalaný salasynda Qazaqstan Respýblıkasynyń múddesine qyzmet etedi, — delingen habarlamada.

Ekinshi blok salany basqarý tásilderin qaıta qarastyrady. Onda sý resýrstaryn qorǵaýdyń basym baǵyttaryna, sheshim qabyldaýǵa jurtshylyqty keńinen tartýǵa jáne sý sharýashylyǵy basseınderi negizinde basqarýǵa mán berilgen.

Úshinshi blok sý tasqynynyń, sýdan keletin zııan men zalaldyń aldyn alý jáne joıý jónindegi is-sharalardy qamtıdy.

Tórtinshi blogta sý qoryn paıdalaný men qorǵaý salasyndaǵy memlekettik retteý jáne baqylaý qatańdatyldy. Basseındik sý ınspektsııalaryna memlekettik baqylaý fýnktsııasynan bólek, jedel áreket ete otyryp memlekettik qadaǵalaý jónindegi ókilettilikter berildi.

Besinshi blok gıdrotehnıkalyq qurylystardyń qaýipsizdigin qamtamasyz etýge baǵyttalǵan.

Sý kodeksiniń mátini baspasózde jarııalanady.

Buǵan deıin habarlanǵandaı, Memleket basshysy álemdik naryqtaǵy jaǵdaıdyń ózgerýine baılanysty jıyn ótkizdi.