Prezıdent Vıtse-prezıdenttiń ókilettikteri týraly jarlyqqa qol qoıdy

Qazaqstan Respýblıkasy Konstıtýtsııasynyń 49-babynyń 3-tarmaǵyna jáne «Qazaqstan Respýblıkasynyń Prezıdenti týraly» Konstıtýtsııalyq zańǵa sáıkes QAÝLY ETEMІN:

1. Qazaqstan Respýblıkasynyń Vıtse-Prezıdenti:

1) memlekettiń ishki jáne syrtqy saıasaty salasyndaǵy strategııalyq sıpattaǵy bastamalardy ázirleýdi qamtamasyz etedi jáne olardy Qazaqstan Respýblıkasynyń Prezıdentine usynady;

2) Qazaqstan Respýblıkasy Prezıdentiniń tapsyrmasy boıynsha Quryltaımen, Úkimetpen jáne basqa da memlekettik organdarmen, sondaı-aq saıası partııalarmen, qoǵamdyq birlestiktermen jáne halyqaralyq uıymdarmen ózara is-qımyl jasaý kezinde Prezıdent atynan ókildik etedi;

3) Qazaqstan Respýblıkasy Prezıdentiniń tapsyrmasy boıynsha halyqaralyq is-sharalarǵa qatysady;

4) Álemdik jáne dástúrli dinder lıderleri seziniń hatshylyǵyn basqarady;

5) Qazaqstan Respýblıkasynyń Prezıdenti janyndaǵy Qazaqstannyń strategııalyq zertteýler ınstıtýtynyń qyzmetine jetekshilik etedi;

6) Memlekettik nagradalar jónindegi komıssııanyń; Azamattyq máseleleri jónindegi komıssııanyń; Memlekettik sımvoldar men vedomstvolyq jáne olarǵa teńestirilgen ózge de nagradalardyń geraldıkasy jónindegi respýblıkalyq komıssııanyń; Shetelde kadrlardy daıarlaý jónindegi respýblıkalyq komıssııanyń; Qazaqstan Respýblıkasynyń ál-Farabı atyndaǵy ǵylym jáne tehnıka salasyndaǵy memlekettik syılyǵyn berý jónindegi komıssııanyń; Qazaqstan Respýblıkasynyń Abaı atyndaǵy ádebıet jáne óner salasyndaǵy memlekettik syılyǵyn berý jónindegi komıssııanyń; Jastar saıasaty jónindegi keńestiń qyzmetin qamtamasyz etedi;

7) Qazaqstan Respýblıkasy Prezıdentiniń tapsyrmalaryna sáıkes ózge de ókilettikterdi júzege asyrady.

2. Osy Jarlyqpen belgilengen ókilettikterdi iske asyrý maqsatynda Qazaqstan Respýblıkasynyń Vıtse-Prezıdenti:

1) ókim shyǵarýǵa;

2) óz quzyretine jatatyn máseleler boıynsha ortalyq jáne jergilikti atqarýshy organdarǵa tapsyrma berýge;

3) Qazaqstan Respýblıkasy Quryltaıynyń, Qazaqstan Respýblıkasy Úkimetiniń, Qazaqstan Halyq Keńesiniń, Qazaqstan Respýblıkasy Prezıdentiniń janyndaǵy konsýltatıvtik-keńesshi organdardyń otyrystaryna qatysýǵa;

4) óz quzyretine jatatyn máseleler boıynsha memlekettik organdardan jáne laýazymdy adamdardan qajetti aqparatty, qujattardy jáne basqa da materıaldardy suratýǵa jáne alýǵa;

5) óz quzyretine kiretin máseleler boıynsha, sondaı-aq Qazaqstan Respýblıkasy Prezıdenti qoıǵan ózge de mindetterdi sheshý úshin Qazaqstan Respýblıkasy Prezıdenti aktileriniń jobalaryn ázirleý úshin vedomstvoaralyq jumys toptaryn qurýǵa quqyly.

3. Qazaqstan Respýblıkasy Vıtse-Prezıdentiniń qyzmetin uıymdyq-quqyqtyq, aqparattyq-taldamalyq jáne ózge de jaǵynan Qazaqstan Respýblıkasy Prezıdentiniń Ákimshiligi qamtamasyz etedi dep belgilensin.

4. Qazaqstan Respýblıkasy Prezıdentiniń keıbir aktilerine engiziletin, qosa berilip otyrǵan ózgerister osy Jarlyqqa qosymshaǵa sáıkes bekitilsin.

5. Qazaqstan Respýblıkasynyń Úkimeti, Qazaqstan Respýblıkasy Prezıdentiniń Ákimshiligi, Qazaqstan Respýblıkasy Prezıdentiniń Іs basqarmasy belgilengen tártippen osy Jarlyqtan týyndaıtyn sharalardy qabyldasyn.

6. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q.Toqaev

Astana, Aqorda, 2026 jylǵy 5 qyrkúıek

№ 1452