Prezıdent Qazaqstan polıtsııasynyń daıyndyǵyna baǵa berdi
NUR-SULTAN. QazAqparat – QR Prezıdenti Qasym-Jomart Toqaev «Qaısar-2021»oqý-jattyǵý jıynyna qatysyp, el polıtsııasynyń daıynyǵyna baǵa berdi. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.
«Qaısar-2021» jedel-taktıkalyq oqý-jattyǵýy Qazaqstan Respýblıkasy ІІM Ulttyq ulany bólimsheleriniń Almaty oblysyndaǵy jaýyngerlik jáne ádistemelik daıyndyq ortalyǵy bazasynda ótti. Іshki ister mınıstri ishki ister organdarynyń qoǵamdyq qaýipsizdikti qamtamasyz etý jónindegi mindetterdi oryndaýǵa ázirliginiń jaı-kúıi týraly baıandap, qoldanylatyn arnaıy, áskerı tehnıka men qarý-jaraqtyń úlgilerin usyndy», - dedi resmı ókil.
Onyń atap ótýinshe, is-shara barysynda Memleket basshysyna jattyǵý júıeleri, skalodrom, oqý ortalyǵynyń mýltımedıa tıri, sondaı-aq qyzmetkerlerdi arnaıy daıarlaý elementterimen kórneki qoıylymdar kórsetildi.
«Memleket basshysy Іshki ister mınıstrligi kúshteriniń daǵdarystyq jaǵdaılardyń jolyn kesý jónindegi mindetterdi tıimdi sheshýge ázirligine oń baǵa berdi. Ol polıtsııa qyzmetkerleri men áskerı qyzmetshilerdiń biliktiligin arttyrý úshin ozyq halyqaralyq tájirıbeni muqııat zerttep, qoldaný qajettigin atap ótti», - dedi Nurdildá Oraz.
