Prezıdent: Qazaqstan qytaılyq ınvestorlar úshin árdaıym qolaıly bıznes orta jasaýǵa daıyn
ASTANA. KAZINFORM – Memleket basshysy Qazaqstan men Qytaı Eýrazııadaǵy jańa tehnologııalyq dáýirdiń kelbetin birge qalyptastyra alatynyna senim bildirdi. Bul týraly Aqordanyń baspasóz qyzmeti habarlady.
— Qazaqstan qytaılyq ınvestorlar úshin árdaıym qolaıly bıznes orta jasaýǵa daıyn. Biz ınvestıtsııalardy qorǵaýǵa zań júzinde kepildik beremiz. Zamanaýı ınfraqurylym men bilikti kadrlar usynyp, jan-jaqty memlekettik qoldaý kórsetemiz. Maqsatymyz — tek kapıtal tartý emes. Biz jańa tehnologııalardy birlesip ázirleýge, ǵylymı zertteý ortalyqtaryn qurýǵa, jańa óndiristik tizbek qalyptastyrýǵa jáne bolashaqtyń baǵdary — bilim ekonomıkasyn alǵa bastaıtyn adam kapıtalyn damytýǵa umtylamyz. Búgingi basqosýymyz jańa birlesken jobalarǵa, aýqymdy ınvestıtsııalarǵa jol ashady dep senemin! — dedi Qazaqstan Prezıdenti.
Jıynda QHR ónerkásip jáne aqparattandyrý mınıstri Lı Lechen, SITIC Group kompanııasy dırektorlar keńesiniń tóraǵasy Sı Gohýa, 01AI kompanııasynyń bas dırektory Lı Kaı-Fý, Huawei Technologies kompanııasy baıqaýshylar keńesiniń múshesi, qoǵammen baılanys jáne korporatıvtik kommýnıkatsııalar departamentiniń prezıdenti Van Tszıanfen, Agibot kompanııasy dırektorlar keńesiniń tóraǵasy, bas operatsııalyq dırektory Tszıan Tsınsýn, Goldcard Smart Group kompanııasynyń basqarma tóraǵasy jáne prezıdenti ıAn Bın, Ningbo Hoshine Group kompanııasy dırektorlar keńesiniń tóraǵasy Lo Lıgo, YTO Express kompanııasy dırektorlar keńesiniń tóraǵasy ıÝı Hýeıtszıao, Xinjiang Lihua (Group) kompanııasy dırektorlar keńesiniń tóraǵasy Chjan Tsıhaı sóz sóıledi.
Aıta ketelik Qasym-Jomart Toqaev Qytaıdyń jetekshi kompanııalary basshylarymen kezdesti.
