Prezıdent Qazaqstan kınologter odaǵyn qazaq tazysynyń halyqaralyq deńgeıdegi jetistigimen quttyqtady

ASTANA. KAZINFORM - Helsınkıde ótken «World Dog Show 2025» dúnıejúzilik kórmesinde alǵash ret álemge resmı túrde tanystyrylǵan qazaq tazysy júldeli oryndarǵa ıe boldy.

Bul týraly Aqordanyń baspasóz qyzmeti habarlady.

Qasym-Jomart Toqaev osy qýanyshty jańalyqqa oraı Qazaqstan kınologter odaǵyna quttyqtaý jedelhatyn joldady.

Osyǵan deıin qazaq tazylary Helsınkıdegi Dúnıejúzilik ıtter kórmesinde álemge tanystyrylǵany týraly jazdyq.

Dúnıejúzilik is-sharaǵa Qazaqstan delegatsııasy qatań talap boıynsha iriktelgen ári halyqaralyq deńgeıde óner kórsetýge barynsha úıretilgen 8 tazyny aparǵan. Álemniń ár túkpirinen kelgen 25 000 úzdik ıttiń ishinde qazaq tazylary FCI uıymynda tirkelgen derbes ıt tuqymy retinde tuńǵysh ret jurt nazaryna usynyldy.