Prezıdent: Qazaqstan Italııaǵa munaı jetkizý kólemin ulǵaıtýǵa daıyn

ASTANA. KAZINFORM – Memleket basshysy Qasym-Jomart Toqaev «Ortalyq Azııa – Italııa» birinshi sammıtinde Qazaqstan Italııaǵa munaı jetkizý kólemin ulǵaıtýǵa daıyn ekenin málim etti. 

– Energetıka salasy dástúrli túrde Qazaqstan-Italııa yntymaqtastyǵynyń lokomotıvi bolyp keledi. Bizdiń el Eýropalyq Odaqqa munaı eksporttaýshy elderdiń iri úshtigine kiredi. Byltyr Italııa naryǵyna Qazaqstan munaıyn jetkizý kólemi 30 mln tonnadan asty. Bul bir jyl burynǵy kórsetkishten 27 paıyz kóp. Qajet bolǵan jaǵdaıda qazirgi kólemdi ósirýge daıynbyz, - dedi Memleket basshysy.

Aıta keteıik, Elordadaǵy Táýelsizdik saraıynda Memleket basshysy Qasym-Jomart Toqaevtyń qatysýymen «Ortalyq Azııa — Italııa» alǵashqy sammıti ótip jatyr. 

Sondaı-aq búgin túske deıin Memleket basshysy Qasym-Jomart Toqaev pen Italııa Mınıstrler Keńesiniń tóraǵasy Djordja Melonı Astana halyqaralyq forýmynyń ekinshi kúnindegi plenarlyq sessııaǵa qatysty. 

Budan keıin Qazaqstan Prezıdenti men Italııa Premer-mınıstri Aqordadaǵy kelissóz qorytyndysy boıynsha Strategııalyq seriktestikti keńeıtý jóninde Birlesken málimdeme qabyldaǵan bolatyn.