Prezıdent Qazaqstan halqyna kezekti Joldaýyn jarııalap jatyr
ASTANA. KAZINFORM – Prezıdent Qasym-Jomart Toqaev Quryltaı otyrysynda «Jańa tarıhı kezeńdegi Qazaqstannyń ózekti mindetteri» atty Joldaýyn jarııalap jatyr.
Aıta keteıik, Konstıtýtsııanyń 46-babyna sáıkes, Prezıdent Qazaqstan halqyna eldegi jaǵdaı men Qazaqstan Respýblıkasynyń ishki jáne syrtqy saıasatynyń negizgi baǵyttary týraly joldaý jasaıdy.
Búgingi is-sharaǵa Quryltaı depýtattary, Úkimettiń jáne Qazaqstan Halyq Keńesiniń músheleri, ortalyq jáne jergilikti memlekettik organdardyń basshylary, qoǵam ókilderi men eńbekkerler qatysyp jatyr.
Joldaý respýblıkalyq telearnalardan, sondaı-aq Aqordanyń áleýmettik jelilerdegi resmı paraqshalarynan tikeleı efırde kórsetilip jatyr. Onlaın translıatsııa Jibek Joly efırinde, sondaı-aq telearnanyń YouTube arnasynda jáne Kazinform saıtynda júredi. Sondaı-aq Joldaý mátinin agenttiktiń telegram arnasynan oqı alasyzdar.
Eske salsaq, Memleket basshysy Qasym-Jomart Toqaev VI Dúnıejúzilik kóshpendiler oıyndary jeńimpazdaryn marapattaý rásiminde qazan aıynda Qazaqstan halqyna Joldaý jasap, aldaǵy josparlardy aıqyndaıtynyn aıtty.
Prezıdent byltyr «Jasandy ıntellekt dáýirindegi Qazaqstan: ózekti máseleler jáne ony túbegeıli tsıfrlyq ózgerister arqyly sheshý» atty Qazaqstan halqyna Joldaýyn jarııalaǵan bolatyn.