Prezıdent Qazaqstan Halyq Keńesiniń memlekettik organdarmen yqpaldastyǵyn kúsheıtýdi tapsyrdy
ASTANA. KAZINFORM — Qasym-Jomart Toqaev Qazaqstan Halyq Keńesi tóraǵasynyń orynbasary — Hatshylyq basshysy Qanatbek Jaısanbaevty qabyldady. Bul týraly Aqordanyń baspasóz qyzmeti habarlady.
Memleket basshysyna Qazaqstan Halyq Keńesi men onyń Hatshylyǵyn qurý maqsatynda júzege asyrylyp jatqan sharalar týraly esep berildi.
Qanatbek Jaısanbaev Hatshylyq Qazaqstan Halyq Keńesiniń qyzmetin uıymdastyrýshylyq, quqyqtyq, materıaldyq-tehnıkalyq, qarjylyq, aqparattyq-taldamalyq turǵydan qamtamasyz etetinin baıandady.
Prezıdent Halyq Keńesi Ádiletti Qazaqstannyń irgesin nyǵaıtýda mańyzdy ról atqaratyn biregeı dıalog alańy ekenin atap ótti.
Memleket basshysy Hatshylyq basshysyna Halyq Keńesiniń memlekettik organdarmen, uıymdarmen, azamattyq qoǵam ınstıtýttarymen jáne halyqaralyq uıymdarmen yqpaldastyǵyn tıimdi úılestirýdi tapsyrdy.
Sonymen qatar Qasym-Jomart Toqaev Qazaqstan Halyq Keńesiniń birinshi sessııasyna daıyndyqty laıyqty deńgeıde júrgizý qajettigine nazar aýdardy.
Aıta ketelik Prezıdent Frantsııa halqyn Bastılııany alý kúnimen quttyqtaǵan edi.
