Prezıdent Qazaqstan gımnastıka federatsııasynyń prezıdenti Álııa ıÝsýpovany qabyldady
ASTANA. KAZINFORM - Memleket basshysy Qazaqstan gımnastıka federatsııasynyń prezıdenti Álııa ıÝsýpovany qabyldady, dep habarlaıdy Aqordanyń baspasóz qyzmeti.
Qasym-Jomart Toqaev Álııa ıÝsýpovany Qazaqstan gımnastıka federatsııasynyń prezıdenti bolyp qaıta saılanýymen quttyqtady.
Kezdesýde elimizde kórkem gımnastıkany damytý perspektıvasy talqylandy. Prezıdentke federatsııanyń qazirgi jumysy men aldaǵy jospary týraly aqparat berildi.
Álııa ıÝsýpova sport salasyndaǵy keıbir ózekti problemalarǵa qatysty birqatar usynysyn jetkizdi. Federatsııa basshysynyń aıtýynsha, balalardy gımnastıkaǵa erte jastan baýlý úshin keshendi jumys atqarylýy kerek.
Qasym-Jomart Toqaev sala ınfraqurylymyn damytý jáne jattyqtyrýshylardy daıarlaý isinde Týrızm jáne sport mınıstrligimen tyǵyz qarym-qatynas ornatý qajet ekenin aıtty.
Osyǵan deıin habarlaǵanymyzdaı, Toqaev Euronews arnasynyń elimizde ashylýyn óte mańyzdy oqıǵa dep baǵalady.