Prezıdent: «Qazaqstan balalary» atty birtutas baǵdarlama qabyldaǵan jón

BÝRABAI. KAZINFORM – Bilimmen qatar tárbıege aıryqsha nazar aýdarý óte mańyzdy. Bul týraly Býrabaıda ótip jatqan Ulttyq quryltaıdyń IV otyrysynda Memleket basshysy Qasym-Jomart Toqaev málim etti.

Kazakhstan
Фото: Akorda

- Jergilikti bılik ókilderi men qoǵam belsendileri turmystyq zorlyq-zombylyqtyń aldyn alý jumysynan shet qalyp otyr. Onyń ústine, osy baǵyttaǵy jumystar qazir ártúrli qujatpen retteledi. Shashyrańqy bolyp tur bári. Sonyń bárin bir jerge jınaqtaǵan durys dep oılaımyn. Osyǵan oraı «Qazaqstan balalary» atty birtutas baǵdarlama qabyldaǵan jón. Bul óte mańyzdy qujat bolmaq. Ony daıyndaý úshin Úkimet pen Parlament depýttary, ombýdsmen Dınara Zákıeva, qoǵam qaıratkerleri óz úlesin qosady dep oılaımyn, - dedi Qasym-Jomart Toqaev.

Prezıdenttiń aıtýynsha, ozyq oıly urpaq ósirý úshin bilim men tárbıe árdaıym qatar júrýi kerek.

- Ashyǵyn aıtsaq, bala oqytý isinde buǵan deıin bilimge kóbirek nazar aýdaryldy. Al urpaq tárbıesine qatysty júıeli ustanym bolǵan joq. Bul salaǵa tıisti deńgeıde kóńil bólinbeı keldi. «Tárbıesiz berilgen bilim – adamzattyń qas jaýy». Sondyqtan bilimmen qatar tárbıege aıryqsha nazar aýdarý óte mańyzdy, - dedi Memleket basshysy. 

Budan buryn habarlanǵandaı, Prezıdent qoǵamda qyzý talqylanyp jatqan salyq reformasyna qatysty pikirin aıtty.

Сейчас читают