Prezıdent Qazaqstan men BAÁ arasyndaǵy JES-ke qatysty kelisimdi ratıfıkatsııalady
ASTANA. KAZINFORM — Qazaqstan Úkimeti men Birikken Arab Ámirlikteriniń Úkimeti birlesip jel elektr stantsııasy jobasyn iske asyrady, dep habarlady Aqordanyń baspasóz qyzmeti.
— Memleket basshysy «Qazaqstan Respýblıkasynyń Úkimeti men Birikken Arab Ámirlikteriniń Úkimeti arasyndaǵy jel elektr stantsııasy jobasyn iske asyrý týraly kelisimdi ratıfıkatsııalaý týraly» Qazaqstan Respýblıkasynyń Zańyna qol qoıdy, — delingen habarlamada.
Aıta keteıik, zańnyń mátini baspasózde jarııalanady.
Buǵan deıin Prezıdent Qasym-Jomart Toqaevtyń Jarlyǵymen memlekettik jáne qoǵamdyq qyzmettegi aıryqsha eńbegi úshin Qýanysh Sultanuly Sultanov «Otan» ordenimen nagradtalǵanyn jazǵanbyz.
11 mamyr kúni elimizge Abý-Dabıdiń Taq murageri sheıh Haled ben Muhammed Ál Nahaıan resmı saparmen keldi. Kazinform tilshisi sapardyń mańyzy men ekijaqty qatynastyń damý baǵdaryn saraptap kórdi.