Prezıdent: Qazaqstan 2060 jylǵa qaraı kómirtegi beıtaraptyǵyna qol jetkizedi

NUR-SULTAN. QazAqparat – Qazaqstan men Reseıdiń XVII óńiraralyq yntymaqtastyq forýmynda QR Prezıdent Qasym-Jomart Toqaev Qazaqstannyń 2060 jylǵa qaraı kómirtegi beıtaraptyǵyna qol jetkizetinin málim etti, dep habarlaıdy QazAqparat tilshisi.

«Ortaq ekologııalyq problemalardy sheshý úshin Úkimetter arasynda ekologııa, bıoalýandyqty saqtaý, transshekaralyq sý kózderin birlesip saqtaý jáne paıdalaný sekildi 7 kelisimge qol qoıylǵan. Kelisimder jospar boıynsha iske asyp jatyr. Biraq ekologııalyq ahýal nasharlaýyn jalǵastyryp jatyr. Ony sheshý úshin halyqaralyq deńgeıdegi birlesken kúsh-jigerdi belsendirý qajet. Osyǵan baılanysty forýmǵa qatysýshylardyń nazaryn myna máselelerge aýdarǵym keledi», - degen Memleket basshysy álemde klımattyń ózgerýine baılanysty álemde ekonomıkany karbonsyzdandyrý baǵdary kúsheıip kele jatqanyn eske saldy.

«Osynyń aıasynda kóptegen elder osy ǵasyrdyń ortasyna qaraı kómirtegi beıtaraptyǵyna qol jetkizetinderi týraly málimdedi. Jańa retteý tetikteri engizilip jatyr. Onyń ishinde Eýroodaqtyń kómirtegi salyǵy týraly bastamalary da bar. Qazaqstan da Reseı sııaqty álemdegi eń energııa tutynýshy elderdiń biri. Ónerkásip óndirisiniń 50 paıyzdan astamyn ken óndirý salasy quraıdy. Elektr energııasynyń 70 paıyzy kómirden alynady. Osynyń ózinde joǵary táýeldilikke qaramastan, Qazaqstan 2060 jylǵa qaraı kómirtegi beıtaraptyǵyna qol jetkizý málimdedi. Bul tolyq múmkin jáne aqylǵa qonymdy mindet», - dedi QR Prezıdenti.

Aıta keteıik, Prezıdent Qasym-Jomart Toqaev sharaǵa onlaın formatta qatysýda.