Prezıdent qazaq tilin meńgerý birtutas ult bolý jolyndaǵy aıryqsha mańyzdy qadam dep baǵalady

NUR-SULTAN. QazAqparat – Memlekettik tildi biletin árbir azamat qazaqsha úırengisi kelgen dosymen, áriptesimen nemese tanysymen óz bilimin bólissin. Bul týraly QR Prezıdenti Qasym-Jomart Toqaev Táýelsizdiginiń 30 jyldyǵyn merekeleýge daıyndyq jónindegi memlekettik komıssııanyń birinshi otyrysynda aıtty, dep habarlaıdy QazAqparat.

Qasym-Jomart Toqaev qazaq tilin meńgerý birtutas ult bolý jolyndaǵy aıryqsha mańyzdy qadam dep baǵalady. Sondyqtan til úırenýge talpynǵan otandastarymyzdy bárimiz qoldaýǵa shaqyrdy.

«Memlekettik tildi biletin árbir azamat qazaqsha úırengisi kelgen dosymen, áriptesimen nemese tanysymen óz bilimin bólissin. Mundaı ıgi is bir-birimizge qamqorlyqty arttyryp, birligimizdi nyǵaıta túseri sózsiz», – dedi Memleket basshysy.

Prezıdent ana tilimizdi damytý jaıyndaǵy oıyn latyn grafıkasyndaǵy qazaq álipbıimen túıindep, latyn qarpine kóship jatqanymyz Táýelsizdiktiń jemisi dep baǵalady.