Prezıdent qaza tapqan feldsherdi «Erligi úshin» medalimen marapattady
ASTANA. KAZINFORM – Aqorda qaza tapqan feldsherdiń «Erligi úshin» medalimen marapattalǵanyn habarlady.
- Memleket basshysynyń Jarlyǵymen qyzmettik boryshyn úlgili atqarǵany, qıyn-qystaý jaǵdaıda kórsetken erligi men janqııarlyǵy úshin Astana qalalyq jedel medıtsınalyq járdem stantsııasynyń feldsheri Uldana Qaldarhanqyzy Myrzýan (marqum) «Erligi úshin» medalimen marapattaldy, - dep jazylǵan aqparatta.
Aıta keteıik, Buǵan deıin Astananyń Almaty aýdanynda, Táýelsizdik dańǵyly, 24B mekenjaıynda toǵyz qabatty turǵyn úıdiń qasbetinen kirpishten jasalǵan syrtqy qaptama men kondıtsıoner qondyrǵysy qulap, bes adam zardap shekkenin jazǵan bolatynbyz.
Keıin ǵımarat opyrylǵanda zardap shekken feldsherdiń jaǵdaıy óte aýyr ekeni málim boldy.
Al búgin medıtsına qyzmetkeri kóz jumdy.