Prezıdent Qaýipsizdik keńesinde mınıstrlikter jumysyn synǵa aldy - Rýslan Jeldibaı
ASTANA. KAZINFORM – Prezıdent keńesshisi – Baspasóz hatshysy Rýslan Jeldibaı Memleket basshysynyń Qazaqstan Respýblıkasy Qaýipsizdik Keńesiniń otyrysyn ótkizgenin jazdy.
Onyń dereginshe, jıyn barysynda barlyq salalyq vedomstvonyń atyna syn-eskertpeler aıtylyp, egjeı-tegjeıli talqylaý ótti. Memleket basshysy ekstremızm men terrorızmge qarsy kúresti jáne ulttyq qaýipsizdikti nyǵaıtýǵa baǵyttalǵan úılesimdi jumysty kúsheıtý qajet ekenine nazar aýdardy.
- Qasym-Jomart Toqaev «Zań jáne tártip» qaǵıdaty negizinde jumysty uıymdastyrýdyń asa mańyzdylyǵyn atap ótip, atalǵan salalardaǵy jaǵdaıǵa taldaý jasady.
Prezıdent azyq-túlik jáne ekologııalyq qaýipsizdikti qamtamasyz etýdiń, el azamattaryn alańdatatyn máselelerdi sheshý úshin tsıfrlyq quraldar men jasandy ıntellektini damytýdyń ózektiligine toqtaldy.
Memleket basshysy barsha qoǵamnyń múddesi úshin Úkimetke Ádiletti Qazaqstandy qurý baǵdarlamasyn iske asyrýǵa kúsh salýdy tapsyrdy, - delingen jazbada.
Aıta keteıik, búgin Memleket basshysy Qaýipsizdik Keńesiniń otyrysyn ótkizdi.