Prezıdent Qaýipsizdik Keńesi Apparatynyń qurylymyn bekitti – erejeniń tolyq mátini

Qujat Qaýipsizdik Keńesi Apparatynyń mártebesin, mindetteri men fýnktsııalaryn, ókilettikterin, jumysyn uıymdastyrýdy aıqyndaıdy.

Qazaqstan Respýblıkasy Qaýipsizdik Keńesiniń Apparaty týraly ereje
Osy Ereje Qazaqstan Respýblıkasynyń Konstıtýtsııasyna, Qazaqstan Respýblıkasynyń zańdary men ózge de normatıvtik quqyqtyq aktilerine sáıkes Qazaqstan Respýblıkasynyń Qaýipsizdik Keńesi Apparatynyń mártebesin, mindetteri men fýnktsııalaryn, ókilettikterin, jumysyn uıymdastyrýdy aıqyndaıdy.

1-taraý. Jalpy erejeler

1. Qazaqstan Respýblıkasy Qaýipsizdik Keńesiniń Apparaty (budan ári – Apparat) – Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organ.

2. Apparat jáne onyń qyzmetkerleri óz qyzmetinde Qazaqstan Respýblıkasynyń Konstıtýtsııasyn, zańdaryn, Qazaqstan Respýblıkasy Prezıdentiniń aktilerin, osy Erejeni, sondaı-aq ózge de normatıvtik quqyqtyq aktilerdi basshylyqqa alady.

3. Apparat – memlekettik mekemeniń uıymdyq-quqyqtyq nysanyndaǵy zańdy tulǵa, onyń Qazaqstan Respýblıkasynyń zańnamasyna sáıkes qazaq tilinde óz ataýy jazylǵan móri men mórtabandary, belgilengen úlgidegi blankileri, sondaı-aq bankterde shottary, onyń ishinde valıýtalyq shottary bolady.

4. Apparat azamattyq-quqyqtyq qatynastarǵa óz atynan túsedi.

5. Eger Apparatqa Qazaqstan Respýblıkasynyń zańnamasyna sáıkes ýákilettik berilse, onyń memleket atynan azamattyq-quqyqtyq qatynastardyń tarapy bolýǵa quqyǵy bar.

6. Apparat óz quzyretiniń máseleleri boıynsha Qazaqstan Respýblıkasynyń zańnamasynda belgilengen tártippen Apparat basshysynyń buıryqtarymen jáne Qazaqstan Respýblıkasynyń zańnamasynda kózdelgen basqa da aktilermen resimdeletin sheshimder qabyldaıdy.

7. Apparattyń qurylymy men shtat sanyn Qazaqstan Respýblıkasynyń Prezıdenti aıqyndaıdy.

8. Apparattyń tolyq ataýy: «Qazaqstan Respýblıkasy Qaýipsizdik Keńesiniń Apparaty» memlekettik mekemesi».

9. Apparattyń zańdy mekenjaıy: Qazaqstan Respýblıkasy, 010000, Astana qalasy, Esil aýdany, Máńgilik El dańǵyly, 8.

10. Osy Ereje – Apparattyń quryltaı qujaty.

11. Apparattyń ókilettigi bolyp tabylatyn mindetterdi oryndaý turǵysynan Apparatqa kásipkerlik sýbektilerimen sharttyq qatynastarǵa túsýge tyıym salynady.

12. Apparattyń qyzmetin qarjylyq, materıaldyq-tehnıkalyq jaǵynan jáne ózge de qamtamasyz etý Qazaqstan Respýblıkasynyń zańnamasyna sáıkes respýblıkalyq bıýdjetten júzege asyrylady.

2-taraý. Apparattyń mindetteri, fýnktsııalary men ókilettikteri

13. Apparattyń qyzmeti ulttyq qaýipsizdikke tónetin qaýip-qaterlerdi baqylaýdy kúsheıtýge jáne jetildirýge, memlekettik basqarýdyń ornyqtylyǵyn qamtamasyz etýge, Qazaqstan Respýblıkasy Prezıdentiniń (Qaýipsizdik Keńesi Tóraǵasynyń), Qazaqstan Respýblıkasy Qaýipsizdik Keńesiniń (budan ári ‒ Qaýipsizdik Keńesi) sheshimderin ınstıtýtsıonaldyq qamtamasyz etýge jáne oryndaýǵa baǵyttalǵan.

14. Apparatyń mindetteri:

1) Qaýipsizdik Keńesiniń, Qaýipsizdik Keńesi Tóraǵasynyń, Qaýipsizdik Keńesiniń Tóraǵasy orynbasarynyń qyzmetin qamtamasyz etý;

2) júıelik syn-qaterler men qaterlerdi anyqtaý, baǵalaý, boljaý, olardyń aldyn alý jáne joıý jónindegi is-qımyldardyń úılesimdiligi máseleleri boıynsha vedomstvoaralyq úılestirýdi qamtamasyz etý;

3) Qaýipsizdik Keńesi Tóraǵasynyń ókilettigin:

qorǵanys qabileti men ulttyq qaýipsizdik salasynda;

zańdylyq pen quqyqtyq tártipti saqtaý, sybaılas jemqorlyqqa, ekonomıkalyq qylmystylyqqa qarsy is-qımyl salasynda;

Qazaqstan Respýblıkasynyń aqparattyq qaýipsizdigin qorǵaý salasynda;

4) Qazaqstan Respýblıkasynyń zańnamasyna, Qazaqstan Respýblıkasy Prezıdentiniń (Qaýipsizdik Keńesi Tóraǵasynyń) jáne Qaýipsizdik Keńesiniń Tóraǵasy orynbasarynyń sheshimderine sáıkes ózge de mindetter.

15. Mindetterine sáıkes Apparatqa mynadaı fýnktsııalar júkteledi:

1) Qaýipsizdik Keńesiniń qyzmetin qamtamasyz etý salasynda:

Qaýipsizdik Keńesiniń jumys josparlaryn daıyndaý;

Qaýipsizdik Keńesiniń otyrystary men jedel keńesterine materıaldardy, Qaýipsizdik Keńesi, Qaýipsizdik Keńesiniń jedel keńesteri sheshimderiniń, olardy iske asyrý jónindegi aktilerdiń jobalaryn daıyndaý;

Qaýipsizdik Keńesi sheshimderiniń, Qaýipsizdik Keńesiniń jedel keńesteri sheshimderiniń oryndalýyn baqylaýdy qamtamasyz etý, olardyń naqty nátıjelerin jáne yqtımal saldarlaryn baǵalaý;

Qaýipsizdik Keńesiniń vedomstvoaralyq komıssııalarynyń qyzmetin úılestirý;

qyzmeti Apparattyń jumysyna tikeleı qatysty konsýltatıvtik-keńesshi organdardy qurý, olardyń mindetteri jáne laýazymdyq quramy jóninde usynystar engizý;

Qaýipsizdik Keńesiniń sheshimderin, Qaýipsizdik Keńesiniń jedel keńesteriniń sheshimderin tirkeý, olardyń jiberilýin jáne saqtalýyn qamtamasyz etý;

2) ulttyq qaýipsizdiktiń jaı-kúıin monıtorıngteý jáne qaýip-qaterlerdi baǵalaý salasynda:
eldiń ulttyq qaýipsizdigi men qorǵanys qabiletiniń jaı-kúıin, zańdylyq pen quqyqtyq tártiptiń saqtalýyn, sybaılas jemqorlyqqa, ekonomıkalyq qylmystylyqqa qarsy is-qımyldy, sondaı-aq azamattyq qorǵaýdy sektorlyq monıtorıngteýdi uıymdastyrý;

ulttyq qaýipsizdiktiń jaı-kúıi týraly aqparatty ıntegratsııalaý, vedomstvolyq baǵalaýlardy salystyrý, qaýip-qaterlerdi anyqtaý men baǵalaý úshin derekterdi jedel taldamalyq turǵyda óńdeý;

barlaý qoǵamdastyǵynyń jumysyndaǵy memlekettik organdardyń is-qımyldarynyń úılesimdiligin qamtamasyz etý;

3) ulttyq qaýipsizdikke tónetin qaterlerdi taldaý men boljaý salasynda:
ulttyq qaýipsizdikke tónetin qaterlerge qatysty baǵalaý derekterin ázirleý jáne qoldaný, qaýip-qaterler men qaterlerdi beıtaraptandyrý boıynsha tıimdi sharalardyń josparlaryn, stsenarıılerin modeldeý;

ulttyq qaýipsizdikke tónetin ishki jáne syrtqy qaterlerdiń barlyq aspektileri men mánin anyqtaý maqsatynda tsıfrlyq quraldar men jasandy ıntellektini qoldanýdy qamtamasyz etý;

eldiń ulttyq qaýipsizdigi men qorǵanys qabiletin qamtamasyz etý salasyndaǵy ǵylymı uıymdar men taldamalyq qurylymdardyń qyzmetin úılestirý, sondaı-aq qaýipsizdik, qorǵanys qabileti, zańdylyq pen quqyqtyq tártip, sybaılas jemqorlyq, ekonomıkalyq qylmystylyq, azamattyq qorǵaý máseleleri boıynsha nysanaly is-sharalar ótkizý;

4) ulttyq qaýipsizdiktiń mynadaı sıpattaǵy máselelerine nazar aýdara otyryp, uzaq merzimdi josparlaý salasynda:

Qazaqstan Respýblıkasynyń ulttyq qaýipsizdigi strategııasyn ázirleý men iske asyrý protsesin úılestirý;

Qaýipsizdik Keńesiniń Tóraǵasyna, Qaýipsizdik Keńesi Tóraǵasynyń orynbasaryna:
Qazaqstan Respýblıkasynyń Egemendigi men Táýelsizdigin, aýmaqtyq tutastyǵyn, konstıtýtsııalyq qurylysynyń negizderin qorǵaý;

ulttyq qaýipsizdik, qorǵanys qabileti, zańdylyq pen quqyqtyq tártipti saqtaý, sybaılas jemqorlyqqa, ekonomıkalyq qylmystylyqqa qarsy is-qımyl salasyndaǵy memlekettik saıasat boıynsha usynystar daıyndaý;

ulttyq qaýipsizdik pen qorǵanys qabileti, zańdylyq pen quqyqtyq tártipti saqtaý, aqparattyq qaýipsizdikti qorǵaý, sybaılas jemqorlyqqa, ekonomıkalyq qylmystylyqqa qarsy is-qımyl, azamattyq qorǵaý máseleleri boıynsha zańdardyń, strategııalyq josparlaý qujattarynyń jobalaryn, sondaı-aq basqa da mańyzdy qoǵamdyq-saıası bastamalardy ázirleý satysynda taldaý, osy máseleler boıynsha Qaýipsizdik Keńesiniń Tóraǵasyna, Qaýipsizdik Keńesi Tóraǵasynyń orynbasaryna usynymdar berý;

Qazaqstan Respýblıkasynyń ulttyq qaýipsizdik, qorǵanys qabileti, zańdylyq pen quqyqtyq tártipti saqtaý, sybaılas jemqorlyqqa, ekonomıkalyq qylmystylyqqa qarsy is-qımyl, azamattyq qorǵaýdy nyǵaıtý salasyndaǵy zańdarynyń tolyq oryndalýyn baqylaýdy uıymdastyrý, Qaýipsizdik Keńesiniń Tóraǵasyna, Qaýipsizdik Keńesi Tóraǵasynyń orynbasaryna anyqtalǵan jumys kemshilikterin, sondaı-aq olardyń týyndaýyna yqpal etetin sebepter men jaǵdaılardy joıý jónindegi sharalar týraly usynystar engizý;

5) aqparattyq qaýipsizdik salasynda:

el azamattaryn jáne búkil halyqty ulttyq qaýipsizdikke keıinnen qateri bolatyn destrýktıvti aqparattyq áser etýden qorǵaýdy qamtamasyz etý úshin tsıfrlyq quraldar men jasandy ıntellektini, ózge de jańa joǵary tehnologııalardy, algorıtmdik, kvanttyq ádisnamalardy qoldana otyryp, halyqaralyq jáne ishki aqparattyq ortany spektrlik jáne keshendi taldaý;

ulttyq qaýipsizdikke tónetin ahýaldyq, júıelik jáne strategııalyq qaterlerdi anyqtaý, olardyń aldyn alý, joıý maqsatynda aqparattyq qaýipsizdiktiń jaı-kúıin jıyntyq monıtorıngteýdi júzege asyrý;

aqparattyq qaterlerdiń sıpatyn, aýqymyn, serpinin jáne olardyń yqtımal jaǵymsyz saldarlaryn baǵalaýdyń keshendi vedomstvoaralyq ádisnamasyn ázirleý;

ulttyq qaýipsizdikke tónetin syn-qaterlerge, qaterlerge jedel ári tıimdi den qoıýǵa qatysty aqparattyq-taldamalyq jáne boljamdyq materıaldar, usynystar, usynymdar daıyndaý;

memlekettik organdar sharalarynyń tıimdiligin obektıvti baǵalaý, ulttyq qaýipsizdikke qatysty barlyq jaǵymsyz úrdisterdi kásibı turǵydan taldaý;

aqparattyq qaýipsizdik júıesin jetildirý jáne biryńǵaı ári múltiksiz tetik retinde vedomstvoaralyq den qoıýdyń naqty algorıtmin daıyndaý jóninde syndarly usynystar engizý;

6) ınnovatsııalar jáne ǵylymı-tehnologııalyq qaýipsizdik salasynda:

derekterdi taldaý, ulttyq qaýipsizdikke tónetin qaterlerdi baǵalaý, boljaý jáne modeldeý úshin, sondaı-aq olardy anyqtaý, aldyn alý, beıtaraptandyrý jónindegi sharalardy ázirleý úshin jasandy ıntellektiniń tıimdi qoldanylýyn úılestirý jáne baqylaý;

ulttyq qaýipsizdikke tónetin túrli sıpattaǵy bar jáne bolýy múmkin qaterleri turǵysynan jasandy ıntellektini, basqa da joǵary tehnologııalyq quraldardy qoldanýdyń barlyq aspektilerin keshendi taldaýdy daıyndaý;

ǵylymı-tehnologııalyq qaýipsizdikti qamtamasyz etýdiń, ulttyq qaýipsizdik pen qorǵanys qabiletin nyǵaıtýdyń, ozyq ǵylymı-zertteý ınfraqurylymyn damytýdyń, kadrlar daıarlaýdyń ǵylymı negizdelgen tásilderin ázirleý jáne endirý boıynsha usynystar ázirlep, engizý;

7) áskerı qaýipsizdik pen qorǵanys salasynda:

Qaýipsizdik Keńesiniń Tóraǵasyna, Qaýipsizdik Keńesi Tóraǵasynyń orynbasaryna áskerı qaýipsizdik pen qorǵanysty qamtamasyz etý, memlekettiń jumyldyrý daıyndyǵy, Qazaqstan Respýblıkasynyń Egemendigin, Táýelsizdigin, aýmaqtyq tutastyǵyn, Qazaqstan Respýblıkasynyń shekarasyn qarýmen qorǵaý, áskerı qaýipsizdikti qamtamasyz etý úshin kúshter men quraldardy úılestirý salasyndaǵy eldiń memlekettik saıasatynyń negizgi baǵyttary boıynsha, sondaı-aq Qazaqstan Respýblıkasy Qarýly Kúshteriniń (budan ári – Qarýly Kúshter), basqa da áskerler men áskerı quralymdardyń qyzmetin jetildirý, memlekettiń áskerı qaýipsizdigine qater tóndiretin daǵdarystyq ahýaldardyń aldyn alý jáne olardy jedel toqtatý jóninde usynystar engizý;

Qazaqstan Respýblıkasynda jumyldyrý daıyndyǵy men jumyldyrý salasyndaǵy memlekettik saıasattyń iske asyrylýyn úılestirý jáne baqylaý;

azamattardy merzimdi áskerı qyzmetke shaqyrýdyń júrgizilýin, Qarýly Kúshterdiń, basqa da áskerler men áskerı quralymdardyń jasaqtalýyn qamtamasyz etýdi, qorǵanys-ónerkásip kesheni men memlekettik avıatsııanyń jumys isteýi men damýyn, memlekettik qorǵanys tapsyrysynyń iske asyrylýyn Qazaqstan Respýblıkasynyń zańnamasynda belgilengen tártippen baqylaýdy júzege asyrý;

ozyq áskerı tehnologııalardyń damýyn, qarýly qaqtyǵystarǵa qatysý ádisteriniń ózgeristerin jáne olardyń evolıýtsııasyn kásibı turǵydan monıtorıngteýdi uıymdastyrý;

8) zańdylyqty saqtaý jáne quqyqtyq tártipti qamtamasyz etý, sybaılas jemqorlyqqa, ekonomıkalyq qylmystylyqqa qarsy is-qımyl salasynda:

Zań men Tártip konstıtýtsııalyq qaǵıdatyn iske asyrý protsesinde qabyldanatyn sharalardyń tıimdiligin baǵalaý, Qaýipsizdik Keńesiniń Tóraǵasyna, Qaýipsizdik Keńesi Tóraǵasynyń orynbasaryna osy baǵyttaǵy qyzmetti jetildirý boıynsha usynystar engizý;

memlekettik organdardyń qyzmetin úılestirý jáne memlekettik saıasattyń júzege asyrylýyn, Qazaqstan Respýblıkasy zańnamasynyń saqtalýyn, baǵdarlamalyq qujattardyń, Qaýipsizdik Keńesi Tóraǵasynyń osy saladaǵy aktileri men tapsyrmalarynyń iske asyrylýyn baqylaý;

ishki saıası turaqtylyqqa nuqsan keltiretin qaýip-qaterlerdi joıýdy negizgi maqsat etip, jasandy ıntellektini jáne «aýqymdy derekterdi» paıdalana otyryp, qoǵamdyq qaýipsizdik salasyndaǵy qaterlerdi boljaý jáne anyqtaý;

Qazaqstan Respýblıkasyndaǵy halyqaralyq uıymdasqan qylmystyq qoǵamdastyqtardyń qylmystyq áreketterin ashýǵa basa nazar aýdara otyryp, krımınogendik ahýaldy boljaý;

elektrondyq tólemderdi, krıptoaktıvterdi, tsıfrlyq platformalardy jáne ózge de tehnologııalyq sheshimderdi qosa alǵanda, uıymdasqan qylmystylyqtyń transformatsııasyn, onyń transulttyqqa aınalýyn, tsıfrlyq quraldardy paıdalanýdy, qylmystardy, basqa da eleýli quqyq buzýshylyqtardy jasaýdyń qashyqtan júrgiziletin tásilderin paıdalanýdy monıtorıngteý jáne taldaý;

Qaýipsizdik Keńesi Tóraǵasynyń, Qaýipsizdik Keńesi Tóraǵasy orynbasarynyń quqyq qorǵaý organdaryndaǵy jáne olardyń vedomstvolyq baǵynysty uıymdaryndaǵy kadr saıasaty, sondaı-aq vedomstvolyq bilim berýdi damytý máseleleri jónindegi qyzmetin qamtamasyz etý;

9) syrtqy qaýipsizdik salasynda:

halyqaralyq qaýipsizdikti, onyń jaı-kúıine yqpal etetin geosaıası jáne geoekonomıkalyq faktorlardy spektrlik taldaý, óńirlik jáne halyqaralyq qaýipsizdikke syn-qaterler men qaterlerdi anyqtaý, Qazaqstan Respýblıkasynyń álemdik arenadaǵy ulttyq múddelerin qorǵaý men ilgeriletý jóninde usynystar ázirleý;

Qaýipsizdik Keńesiniń quzyretine kiretin máseleler boıynsha halyqaralyq, sheteldik, úkimettik jáne úkimettik emes uıymdarmen ózara is-qımyl jasaý, qaýipsizdikti, qorǵanys qabiletin qamtamasyz etý, zańdylyq pen quqyqtyq tártipti saqtaý, sybaılas jemqorlyqqa, ekonomıkalyq qylmystylyqqa qarsy is-qımyl, azamattyq qorǵaý salasynda halyqaralyq yntymaqtastyqty nyǵaıtýǵa baǵyttalǵan is-sharalar ótkizý;

Qazaqstan Respýblıkasynyń Prezıdenti, Qaýipsizdik Keńesi Tóraǵasynyń orynbasary qatysatyn halyqaralyq is-sharalarǵa osy Erejede aıqyndalǵan ókilettikter sheńberinde materıaldar daıyndaýǵa qatysý;

10) ulttyq qaýipsizdiktiń ózge de túrleri men baǵyttary salasynda:

Qaýipsizdik Keńesi Tóraǵasynyń, Qaýipsizdik Keńesi Tóraǵasy orynbasarynyń, Qaýipsizdik Keńesiniń Apparaty basshylyǵynyń ókilettikterin jáne Qaýipsizdik Keńesiniń qyzmetin ekonomıkalyq qaýipsizdik (qarjylyq, azyq-túlik, energetıkalyq, kóliktik qaýipsizdikti qosa alǵanda), aqparattyq qaýipsizdik (onyń ishinde memleket qaıratkerleriniń, memlekettik ınstıtýttar men vedomstvolardyń bedelin túsirý maqsatynda jalǵan aqparatty («feıkti») zańsyz taratý úshin jasandy ıntellektiniń zamanaýı tehnologııalaryn qoldanýǵa qatysty), qoǵamdyq-saıası turaqtylyq (onyń ishinde halyqtyń kóshi-qony, qoǵamdyq densaýlyq, bıologııalyq, rýhanı jáne mádenı qaýipsizdik salalarynda), ekologııalyq, sý qaýipsizdigi, azamattyq qorǵaý salasynda iske asyrýdy qamtamasyz etý;

Qarýly Kúshterdiń, basqa da áskerler men áskerı quralymdardyń, quqyq qorǵaý organdary men arnaýly memlekettik organdardyń, sondaı-aq eldiń ulttyq qaýipsizdigi men qorǵanys qabiletin, quqyqtyq tártipti, zańdylyqty saqtaýdy, sybaılas jemqorlyqqa, ekonomıkalyq qylmystylyqqa qarsy is-qımyldy, azamattyq qorǵaýdy qamtamasyz etýge qatysatyn ózge de memlekettik organdardyń qyzmetin monıtorıngteý, úılestirý jáne ınspektsııalaý;

Qazaqstan Respýblıkasy Prezıdentiniń janyndaǵy Sybaılas jemqorlyqqa qarsy is-qımyl máseleleri jónindegi komıssııanyń qyzmetin qamtamasyz etý;

Qazaqstan Respýblıkasynyń quqyq qorǵaý organdaryndaǵy kadr saıasaty máseleleri jónindegi komıssııanyń qyzmetin qamtamasyz etý;

ulttyq qaýipsizdik organdarynyń prezıdenttik kadr rezervin qalyptastyrý jónindegi jumysty uıymdastyrý jáne úılestirý;

memlekettik organdardyń Qazaqstan Respýblıkasynyń Bas prokýratýrasy, ulttyq qaýipsizdik organdary, Memlekettik kúzet qyzmeti, ishki ister organdary, Qarýly Kúshter, basqa da áskerleri men áskerı quralymdary, qarjylyq monıtorıng, azamattyq qorǵaý organdary jáne ózge de memlekettik organdary laýazymdy adamdarynyń kandıdatýralary jónindegi usynystaryn Qazaqstan Respýblıkasynyń zańnamasynda belgilengen tártippen qaraý;

Qazaqstan Respýblıkasy Prezıdentiniń joǵary áskerı jáne ózge de ataqtardy, synyptyq shenderdi berý jáne olardan aıyrý jónindegi ókilettikterin iske asyrýdy qamtamasyz etý;

Qaýipsizdik Keńesi men Apparattyń qyzmetin aqparattyq súıemeldeýdi uıymdastyrý;

Apparattyń jumyldyrý josparyn ázirleý;

Qazaqstan Respýblıkasynyń zańnamasynda belgilengen jáne Qaýipsizdik Keńesiniń Tóraǵasy, Qaýipsizdik Keńesi Tóraǵasynyń orynbasary aıqyndaıtyn ózge de fýnktsııalar.

16. Osy Erejede kózdelgen fýnktsııalardy iske asyrý úshin Apparat:

1) memlekettik organdardan, uıymdardan, kvazımemlekettik sektor sýbektilerinen jáne laýazymdy adamdardan osy Erejede aıqyndalǵan ókilettikter sheńberinde qajetti aqparatty, qujattar men ózge de materıaldardy suratýǵa jáne alýǵa quqyly.

Apparattyń qajetti aqparatty, qujattar men ózge de materıaldardy berý jóninde memlekettik organdar men laýazymdy adamdar úshin mindetti bolatyn aǵymdaǵy tapsyrmalary men suraý salýlaryna, eger Apparat ózge merzim belgilemese, olardy alǵan kúnnen bastap eki apta merzimde jaýap beriledi;

2) memlekettik organdar men laýazymdy adamdardyń qyzmetin úılestirýge, Qaýipsizdik Keńesi sheshimderiniń, Qaýipsizdik Keńesiniń jedel keńesteri sheshimderiniń, Qaýipsizdik Keńesi Tóraǵasynyń, Qaýipsizdik Keńesi Tóraǵasy orynbasarynyń aktileri men tapsyrmalarynyń oryndalýyn anyqtalǵan jáne rastalǵan buzýshylyqtardy joıýdy talap etý quqyǵymen baqylaýǵa;

3) memlekettik organdardyń bıligindegi aqparattyq derekter qory men júıelerdi Qazaqstan Respýblıkasynyń zańnamasynda belgilengen tártippen paıdalanýǵa;

4) osy Erejede ózine berilgen ókilettikter sheńberinde Apparat júrgizetin tekserýlerdiń nátıjeleri týraly Qaýipsizdik Keńesi Tóraǵasynyń orynbasaryna baıandaýǵa quqyly.

Osy tarmaqtyń 1) – 3) tarmaqshalarynda kózdelgen ókilettikterge Qaýipsizdik Keńesi Tóraǵasynyń orynbasarymen ne Apparat basshylyǵymen kelisý boıynsha Apparattyń qurylymdyq bólimsheleriniń basshylary ıe bolady.

3-taraý. Apparattyń qyzmetin uıymdastyrý, onyń laýazymdy adamdary men qyzmetkerleriniń ókilettikteri

17. Apparatty onyń basshysy basqarady, ol Apparatqa júktelgen mindetterdiń oryndalýyna jáne óz ókilettikteriniń júzege asyrylýyna derbes jaýapty bolady.

Qaýipsizdik Keńesi Tóraǵasynyń orynbasary bolmaǵan kezeńde Apparat basshysy onyń qujattamalyq qamtamasyz etý bóligindegi fýnktsııalaryn oryndaıdy.

18. Apparat basshysynyń orynbasarlary, onyń ishinde birinshi orynbasary bolady.

19. Apparat basshysyn, onyń orynbasarlaryn, sondaı-aq Apparattyń qurylymdyq bólimsheleriniń basshylaryn Qaýipsizdik Keńesi Tóraǵasy orynbasarynyń usynýy boıynsha Qazaqstan Respýblıkasynyń Prezıdenti laýazymǵa taǵaıyndaıdy jáne laýazymnan bosatady.

20. Apparat basshysynyń ókilettikteri:

1) Apparatty basqarady jáne Apparattyń jumysyna tikeleı basshylyq etedi;

2) Qaýipsizdik Keńesiniń jumys josparlarynyń, Qaýipsizdik Keńesi sheshimderiniń, Qaýipsizdik Keńesiniń jedel keńesteri sheshimderiniń jobalaryn Qaýipsizdik Keńesiniń Tóraǵasymen odan ári kelisý úshin Qaýipsizdik Keńesi Tóraǵasynyń orynbasaryna usynady;

3) Qaýipsizdik Keńesi sheshimderiniń, Qaýipsizdik Keńesiniń jedel keńesteri sheshimderiniń oryndalýyn, Qaýipsizdik Keńesi Tóraǵasynyń, Qaýipsizdik Keńesi Tóraǵasy orynbasarynyń ulttyq qaýipsizdikti jáne eldiń qorǵanys qabiletin qamtamasyz etý, aqparattyq qaýipsizdikti qorǵaý, zańdylyq pen quqyqtyq tártipti saqtaý, sybaılas jemqorlyqqa, ekonomıkalyq qylmystylyqqa qarsy is-qımyl, azamattyq qorǵaýdy nyǵaıtý, jumyldyrý men jumyldyrý daıyndyǵyn júrgizý máseleleri jónindegi aktileri men tapsyrmalarynyń oryndalýy men saqtalýyn baqylaıdy;

4) Qaýipsizdik Keńesi Tóraǵasynyń, Qaýipsizdik Keńesi Tóraǵasy orynbasarynyń ulttyq qaýipsizdikti jáne eldiń qorǵanys qabiletin qamtamasyz etý, zańdylyq pen quqyqtyq tártipti saqtaý, sybaılas jemqorlyqqa, ekonomıkalyq qylmystylyqqa qarsy is-qımyl, azamattyq qorǵaýdy nyǵaıtý, jumyldyrý jáne jumyldyrý daıyndyǵy máseleleri jónindegi qyzmetin aqparattyq jáne taldamalyq jaǵynan qamtamasyz etýdi uıymdastyrady;

5) Qazaqstan Respýblıkasynyń zańnamasyna sáıkes memlekettik organdarmen jáne ózge de uıymdarmen qarym-qatynastarda Apparattyń atynan ókildik etedi;

6) Qaýipsizdik Keńesi Tóraǵasynyń orynbasarymen kelisý boıynsha Qazaqstan Respýblıkasynyń zańnamasynda belgilengen tártippen Apparattyń qyzmetkerlerin jáne Apparattyń qyzmetine tartylǵan ózge de adamdardy Qazaqstan Respýblıkasynyń memlekettik nagradalarymen marapattaý týraly usynýlar engizedi;

7) jumys toptaryn jáne ınspektsııalyq toptardy qurady, Qaýipsizdik Keńesi Tóraǵasynyń orynbasaryna Qaýipsizdik Keńesiniń vedomstvoaralyq komıssııalaryn, Qaýipsizdik Keńesiniń janynan saraptamalyq keńes qurý, olardyń mindetteri, fýnktsııalary, laýazymdyq, derbes quramy jóninde usynystar engizedi;

8) ulttyq qaýipsizdikti qamtamasyz etýge qatysatyn memlekettik organdardyń qyzmetin, onyń ishinde memlekettik organdar men uıymdar mamandarynyń qatysýymen ınspektsııalaýdy uıymdastyrady;

9) ulttyq qaýipsizdikti jáne qorǵanys qabiletin qamtamasyz etý, aqparattyq qaýipsizdikti qorǵaý, zańdylyq pen quqyqtyq tártipti saqtaý, sybaılas jemqorlyqqa, ekonomıkalyq qylmystylyqqa qarsy is-qımyl, azamattyq qorǵaýdy nyǵaıtý, jumyldyrý men jumyldyrý daıyndyǵy máselelerin qaraý kezinde Quryltaı, Úkimet otyrystaryna, memlekettik organdar men uıymdardyń alqa otyrystaryna qatysýǵa quqyly;

10) Qaýipsizdik Keńesi Tóraǵasy orynbasarynyń kelisimimen jáne tapsyrmasy boıynsha Qaýipsizdik Keńesiniń quzyretine kiretin máseleler boıynsha halyqaralyq, sheteldik, úkimettik jáne úkimettik emes uıymdarmen baılanys jasaıdy;

11) Qaýipsizdik Keńesi Tóraǵasynyń orynbasarymen kelisý boıynsha ulttyq qaýipsizdikti qamtamasyz etý maqsatynda halyqaralyq yntymaqtastyqty nyǵaıtýǵa baǵyttalǵan is-sharalar ótkizedi;

12) Apparattyń quqyqtyq aktilerine qol qoıady, qaramaǵyndaǵy qyzmetkerlerge tapsyrmalar beredi, Apparattyń quzyretine jatqyzylǵan fýnktsııalardy júzege asyrý boıynsha ózge de uıymdyq-ókimdik sharalardy qabyldaıdy;

13) Apparattyń qurylymdyq bólimsheleri týraly erejeni bekitedi;

14) Apparattyń shtat kestesin bekitedi, oǵan Qazaqstan Respýblıkasynyń Prezıdenti bekitken shtat sany sheginde ózgerister engizedi;

15) Qaýipsizdik Keńesi Tóraǵasynyń orynbasarymen kelisý boıynsha Qazaqstan Respýblıkasynyń zańnamasynda belgilengen tártippen Apparattyń qurylymdyq bólimsheleri basshylarynyń orynbasarlaryn jáne ózge de qyzmetkerlerin laýazymǵa taǵaıyndaıdy jáne laýazymnan bosatady;

16) Apparatta Qazaqstan Respýblıkasynyń memlekettik qyzmet týraly zańnamasy erejeleriniń oryndalýyn baqylaıdy;

17) Qaýipsizdik Keńesi Tóraǵasynyń orynbasarymen kelisý boıynsha Qazaqstan Respýblıkasynyń zańnamasynda belgilengen tártippen Apparat qyzmetkerlerine tártiptik jazalar qoldanady, olardy kótermeleý máselelerin, óziniń quzyretine jatqyzylǵan eńbek qatynastary máselelerin sheshedi;

18) Qaýipsizdik Keńesi Tóraǵasynyń orynbasarymen kelisý boıynsha Apparat qyzmetkerlerin issaparlarǵa, onyń ishinde sheteldik issaparlarǵa jiberedi;

19) Qazaqstan Respýblıkasynyń zańnamasyna sáıkes ózge de ókilettikterdi júzege asyrady.

21. Apparat basshysy Qaýipsizdik Keńesi Tóraǵasynyń orynbasarymen kelisý boıynsha Qazaqstan Respýblıkasynyń zańnamasyna sáıkes óz orynbasarlarynyń ókilettikterin aıqyndaıdy.

22. Apparat basshysy bolmaǵan kezeńde onyń ókilettikterin oryndaýdy Qazaqstan Respýblıkasynyń zańnamasyna sáıkes ony almastyratyn adam júzege asyrady.

23. Qaýipsizdik Keńesi Tóraǵasy orynbasarynyń sheshimi boıynsha Apparatta birqatar laýazymdar zańnamada belgilengen tártippen basqa memlekettik organdardyń qyzmetkerlerin issaparǵa jiberý arqyly almastyrylýy múmkin.

24. Qaýipsizdik Keńesi Tóraǵasy orynbasarynyń tapsyrmasy boıynsha memlekettik organdar men uıymdardyń qyzmetkerleri belgilengen tártippen Apparatqa:

qysqa merzimdi negizde – Qaýipsizdik Keńesiniń otyrystary men jedel keńesterin daıyndaýǵa, Qaýipsizdik Keńesiniń vedomstvoaralyq komıssııalarynyń, Saraptamalyq keńestiń, ınspektsııalyq toptardyń jáne jumys toptarynyń, sondaı-aq qyzmetin Apparat qamtamasyz etetin jáne úılestiretin ózge de konsýltatıvtik-keńesshi organdardyń qyzmetine;

uzaq merzimdi negizde – Apparattyń aqparattyq-taldamalyq fýnktsııalaryn iske asyrý maqsatynda onyń qyzmetine tartylýy múmkin.

25. Apparatqa júktelgen mindetter men fýnktsııalardy iske asyrý úshin onyń qyzmetkerleri Qaýipsizdik Keńesi Tóraǵasynyń orynbasarymen kelisý boıynsha jáne Qaýipsizdik Keńesi Tóraǵasynyń kelisimimen halyqaralyq uıymdarǵa issaparǵa jiberilýi múmkin.

26. Apparattyń qyzmetkerleri ózderiniń mártebesi, qyzmettik jumysynyń jaǵdaılary men kepildikteri boıynsha Qazaqstan Respýblıkasynyń Prezıdenti Ákimshiliginiń qyzmetkerlerine teńestirilgen.

4-taraý. Apparattyń múlki

27. Qazaqstan Respýblıkasynyń zańnamasynda kózdelgen jaǵdaılarda Apparattyń jedel basqarý quqyǵyndaǵy oqshaýlanǵan múlki bolýy múmkin.

28. Apparatqa bekitilip berilgen múlik respýblıkalyq menshikke jatady.

Eger Qazaqstan Respýblıkasynyń zańnamasynda ózgeshe belgilenbese, Apparat ózine bekitip berilgen múlikti jáne ózine qarjylandyrý jospary boıynsha bólingen qarajat esebinen satyp alynǵan múlikti óz betinshe ıelikten shyǵarýǵa nemese oǵan ózge tásilmen bılik etýge quqyly emes.

5-taraý. Apparatty qaıta uıymdastyrý jáne taratý

29. Apparatty qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady.

Qazaqstan Respýblıkasynyń Qaýipsizdik Keńesi Apparatynyń qurylymy
- Qaýipsizdik Keńesi Apparatynyń Basshysy
- Qaýipsizdik Keńesi Apparaty Basshysynyń birinshi orynbasary
- Qaýipsizdik Keńesi Apparaty Basshysynyń orynbasarlary
- Taldaý bólimi
- Aqparattyq qaýipsizdik bólimi
- Qaýipsizdiktiń ózekti máseleleri bólimi
- Áskerı qaýipsizdik jáne qorǵanys bólimi
- Quqyq qorǵaý júıesi bólimi
- Ahýaldyq ortalyq
- Hatshylyq

Aıta keteıik, Memleket basshysynyń ókimderimen Qazaqstan Respýblıkasy Qaýipsizdik Keńesi Apparatynda birqatar kadrlyq taǵaıyndaý boldy.