Prezıdent Qatar Ámirimen Taıaý Shyǵystaǵy ahýaldy talqylady
ASTANA. KAZINFORM — Memleket basshysy Qasym-Jomart Toqaev sheıh Támım ben Hamad Ál Tánımen áńgimelesý barysynda Taıaý Shyǵystaǵy ahýaldy talqylady. Bul týraly Aqorda málim etti.
Prezıdent aımaqta qaqtyǵystyń órship ketkenine alańdaýshylyq bildirip, osynaý kúrdeli kezeńde Ámir men baýyrlas Qatar halqyna tilektes ekenin aıtty.
— Sheıh Támım ben Hamad Ál Tánı Qazaqstannyń udaıy qoldaýy úshin rızashylyǵyn jetkizip, eki el arasyndaǵy san qyrly qarym-qatynasty dostyq jáne strategııalyq seriktestik rýhynda odan ári nyǵaıtýǵa nıetti ekenin rastady. Qazaqstan Prezıdenti qasıetti Ramazan aıynda Qatar Ámiriniń memlekettik qyzmetine tabys, al baýyrlas Qatar halqyna beıbitshilik pen baq-bereke tiledi, — tiledi delingen habarlamada.
Buǵan deıin Prezıdent Iordanııa halqyna qoldaý men tilektestik bildirgen bolatyn.
