Prezıdent Qasym-Jomart Toqaev Astana halyqaralyq forýmynyń plenarlyq sessııasyna qatysty
Jıynda Prezıdent Qasym-Jomart Toqaevpen qatar Qyrǵyzstan Prezıdenti Sadyr Japarov, Bosnııa jáne Gertsegovına Prezıdıýmnyń tóraǵasy Jelka Tsvııanovıch, Ózbekstan Premer-mınıstri Abdýlla Arıpov, ıÝNESKO Bas dırektory Odre Azýle, HVQ Basqarýshy dırektory Krıstalına Georgıeva, EQYU Bas hatshysy Helga Shmıd jáne BUU Bas hatshysynyń orynbasary – ESKATO uıymynyń atqarýshy dırektory Armıda Salsıa Alısdjabana sóz sóıledi. BUU Bas hatshysy Antonıý Gýtterısh forým qatysýshylaryna vıdeoúndeý joldady. Plenarlyq otyrysty belgili CNN jýrnalısti Rıchard Kvest júrgizip otyrdy.
Forým qatysýshalary aldynda sóz sóılegen Memleket basshysy osy jıynǵa qatysý úshin elimizge arnaıy kelgen Qatar Ámirine, Qyrǵyzstan Prezıdentine, Bosnııa jáne Gertsegovına Prezıdıýmynyń tóraǵasyna, Ózbekstan Premer-mınıstrine rızashylyǵyn bildirdi.
Prezıdent jahandyq ekonomıkanyń qazirgi jaı-kúıi men óńirlik yntymaqtastyq máseleleri jóninde pikir almasý úshin atalǵan forýmnyń mańyzy zor ekenin atap ótti.
«Bul – halyqaralyq seriktestiktiń shynaıy mán-mańyzyn aıqyndaıtyn joldyń biri. Osy Forýmdy bastaı otyryp, strategııalyq seriktesimiz – Birikken Ulttar Uıymyna jáne onyń HVQ, ıÝNESKO, BUUDB, DSU, ESKATO sekildi uıymdaryna, basqa da halyqaralyq ınstıtýttarǵa, sondaı-aq aqparattyq áriptesimiz – CNN-ge shynaıy rızashylyǵymdy bildirýge ruqsat etińizder», – dedi Memleket basshysy.
Memleket basshysy buryn-sońdy bolmaǵan geosaıası shıelenis pen qazirgi zaman órkenıetiniń syn-qaterlerine nazar aýdaryp, Astana halyqaralyq forýmy mıssııasynyń bes negizgi mindetine toqtaldy. Atap aıtqanda, álemdegi jaǵdaıdy ashyq talqylaý; negizgi syn-qaterler men daǵdarysty aıqyndaý; osy syn-qaterlerge ózara yntymaqtastyq rýhynda dıalog arqyly qarsy turý; kópjaqty qatynastardyń ortaq mádenıetin jańartý jáne qalpyna keltirý; beıbitshilikti, progress pen yntymaqty jaqtaıtyn daýystardy kúsheıtý Forýmnyń negizgi mıssııalarynyń qataryna kiredi.
Sonymen qatar Prezıdent Birikken Ulttar Uıymy qurylǵan sátten beri negizi qalanǵan álemdik tártipke tónetin qaýip-qaterler týraly aıtty. Bul rette Qasym-Jomart Toqaev BUU birden-bir jahandyq ámbebap uıym bolyp qala beretinin ári bul uıym barsha adamzat balasynyń múddesi men shynaıy muqtajdyqtaryna qyzmet etetinin aıryqsha atap ótti.
Prezıdent óz sózinde álemdegi jańa daǵdarystyń yqpalyna qatysty oı-pikirin bólisti.
«COVID-19-dan bastap qarýly qaqtyǵystarǵa deıingi sońǵy «jańa daǵdarystar» názik halyqaralyq ekojúıege qaýip tóndiredi. Biraq bul turaqsyzdyqtyń túpki sebebi tereńde jatyr. Sonymen qatar biz 30 jyldan keıin «bloktarǵa» bólinetin eski kózqarastarǵa qaıta oralý jaǵdaıyna kýá bolyp otyrmyz. Tek geosaıası kúsh bizderdi jikke bólip jatqan joq. Onyń ekonomıkalyq astary da bar. Ekonomıkalyq saıasat qarý retinde ashyq qoldanylýda. Bul qarama-qaıshylyqtar sanktsııalar men saýda soǵystaryn, maqsatty boryshkerlik saıasatty, qarjylandyrý kózderinen shekteýdi nemese joıýdy, sondaı-aq ınvestıtsııany baqylaýdy qamtıdy», – dedi Qasym-Jomart Toqaev.
Memleket basshysynyń aıtýynsha, geosaıası qıyndyqtarǵa qaramastan, Qazaqstan senimdi saýda-ekonomıkalyq seriktes retinde Ortalyq Azııanyń ekonomıkalyq lokomotıvi rólin atqaryp otyr.
Sóz sońynda Qasym-Jomart Toqaev Forým ortaq máselelerdi sheshýge, sondaı-aq áriptestikti, damý men progresti ilgeriletýge óz úlesin qosatynyna senim bildirip, jıynǵa qatysýshylarǵa tabys tiledi.
Memleket basshysynyń sóılegen sóziniń tolyq mátinin myna jerden oqı alasyzdar.
