Prezıdent kásipkerlerdiń kredıtin tóleý merzimin keıinge shegerýdi tapsyrdy
NUR-SULTAN. QazAqparat – Salyqtyq jáne kedendik bereshekterdi májbúrlep óndirip alýdy toqtata turý kerek. Bul týraly koronavırýs indetine qarsy is-qımyl jónindegi jıyn barysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Qarjy naryǵyn retteý jáne damytý agenttigi men Ulttyq bankke ekonomıkanyń zardap shekken sektorlaryndaǵy shaǵyn jáne orta bıznestiń kredıtteri boıynsha tólemderin keıinge shegerý múmkindikterin pysyqtaýdy tapsyramyn», - dedi QR Prezıdenti.
Sonymen qatar Memleket basshysy eń aldymen Úkimetke zardap shekken salalardaǵy shaǵyn jáne orta bıznes sýbektileri úshin jekelegen salyqtar men tólemderdi tóleýdi keıinge shegerý máselesin jedel pysyqtaýdy tapsyrdy.
«Ekinshiden, salyqtyq jáne kedendik bereshekterdi májbúrlep óndirip alýdy toqtata turý kerek. Bul sharalar shyn máninde jappaı vaktsınatsııalaý bastalǵanǵa jáne shekteýlerdiń basym bóligi alynǵanǵa deıin qoldanysta bolýy tıis», - dedi Qasym-Jomart Toqaev.
