Prezıdent kásipkerler qyzmetine shekteýlerdi birtindep alý týraly aıtty
«Qarjy naryǵyn retteý jáne damytý agenttigi men Ulttyq bankke ekonomıkanyń zardap shekken sektorlaryndaǵy shaǵyn jáne orta bıznestiń kredıtteri boıynsha tólemderin keıinge shegerý múmkindikterin pysyqtaýdy tapsyramyn», - dedi QR Prezıdenti.
Sonymen qatar Memleket basshysy birinshi kezekte sáýirde jappaı vaktsınalaý jolymen Úkimet pandemııaǵa qatysty jaǵdaıdy ońtaıly ete alatynyna úmit arta kele, mamyr aıynan bastap shaǵyn jáne orta bıznes sýbektileri qyzmetine, onyń ishinde qyzmet kórsetý salasyndaǵy shekteýlerdi birtindep alyp tastaýǵa kirisýge bolatynyn jetkizdi.
Q. Toqaevtyń sózine qaraǵanda, tsıfrlyq sheshimderdi paıdalanýdy jedeldetý kerek. Bul óz kezeginde karantındik shekteýler jaǵdaıynda halyqtyń mobıldigin saqtaýǵa múmkindik beredi. Tsıfrlyq monıtorıng bıznesti júrgizý turaqtylyǵyn qamtamasyz etedi, ásirese qyzmet kórsetý men rıteıl salasynda.
Sonymen qatar Prezıdent ASHYQ jobasyn masshtabtaý bıznestiń ǵana maqsaty emes ekenin atap ótti.
«Úkimet aldynda júıeni keńeıtý men belsendi engizýdi qamtamasyz etý mindeti tur. Sonymen birge, tıisti normatıvtik bazany qurý mańyzdy», - dedi Memleket basshysy.
