Prezıdent Qasym-Jomart Toqaev Joǵary Eýrazııalyq ekonomıkalyq keńestiń shaǵyn quramdaǵy otyrysyna qatysty

ASTANA. KAZINFORM – Memleket basshysy Lenıngrad oblysynda ótken Joǵary Eýrazııalyq ekonomıkalyq keńestiń (JEEK) kezekti otyrysyna qatysty.

Sammıtke Reseı Federatsııasynyń Prezıdenti Vladımır Pýtın, Armenııa Premer-mınıstri Nıkol Pashınıan (beınebaılanys arqyly), Belarýs Prezıdenti Aleksandr Lýkashenko, Qyrǵyzstan Prezıdenti Sadyr Japarov, sondaı-aq Eýrazııalyq ekonomıkalyq komıssııa alqasynyń tóraǵasy Baqytjan Saǵyntaev qatysty.

Jıynda Eýrazııalyq ekonomıkalyq odaq aıasyndaǵy yntymaqtastyqtyń basym baǵyttary men negizgi mindetteri talqylandy. Sonymen qatar sammıt qatysýshylary Uıym qyzmetiniń ózekti máseleleri jáne jekelegen aspektileri jóninde pikir almasty.