Prezıdent Qasym-Jomart Toqaev respýblıkalyq referendýmda daýys berdi
ASTANA. KAZINFORM — Memleket basshysy jańa Konstıtýtsııa jobasy boıynsha ótken respýblıkalyq referendýmǵa qatysyp, Oqýshylar saraıynda ornalasqan № 51 referendým ýchaskesinde daýys berdi.
Prezıdent daýys bergen soń otandyq jáne sheteldik buqaralyq aqparat quraldarynyń ókilderine arnalǵan brıfıng ótkizdi.
Qasym-Jomart Toqaev búgin elimizdiń damýy men keleshegi úshin erekshe mańyzdy kún ekenin atap ótti.
– Búgin elimizdiń taǵdyryn aıqyndaıtyn kún. Barshańyzǵa qutty bolsyn! Shyn máninde, bul – tarıhı qujat. Ol azamattarymyzdyń quqyqtary men bostandyqtaryna kepildik beredi. Sondyqtan onyń mańyzy óte joǵary. Jańa Konstıtýtsııa elimizdiń, jerimizdiń tutastyǵyn, Táýelsizdigi men Egemendigin qorǵaıdy. 1995 jyly qabyldanǵan Konstıtýtsııa erekshe ról atqardy. Elimiz 35 jyl osy qujatpen ómir súrdi. Biraq zaman bir orynda turmaıdy. Sol sebepti jańa Konstıtýtsııa qabyldaıtyn ýaqyt keldi. Bul jumysqa men de belsene atsalystym. Konstıtýtsııanyń preambýlasyn jáne basqa da normalaryn ózim jazdym. Jańa Ata zań el ıgiligine, keleshegine qyzmet etedi dep senemin, – dedi Memleket basshysy.
Budan keıin Prezıdent konstıtýtsııalyq reformanyń negizgi maqsaty men mindetterine, sondaı-aq halyqaralyq kún tártibine qatysty birqatar saýalǵa jaýap berdi.
Aıta ketelik respýblıka azamattarynyń 19,2 paıyzy referendýmda daýys bergen edi.