Qasym-Jomart Toqaev Mıanma Premer-mınıstrimen kezdesti
ASTANA. KAZINFORM — Memleket basshysy eń aldymen Premer-mınıstr Mın Aýn Hlaınǵa jýyrda Mıanmadaǵy joıqyn jer silkinisi saldarynan kóptegen adamnyń qaza tabýyna baılanysty kóńil aıtty. Bul týraly Aqordanyń baspasóz qyzmeti habarlady.
Qasym-Jomart Toqaev eki memleket árqashan ózara qurmet pen senimge negizdelgen dostyq qarym-qatynastardy saqtap kele jatqanyn atap ótti.
Kezdesýde saýda-ınvestıtsııalyq baılanystardy keńeıtýge jol ashatyn mol áleýet bar ekeni aıtylyp, saıası jáne ekonomıkalyq qarym-qatynastardy nyǵaıtý perspektıvasyn zerdeleý máselesi qarastyryldy.
Qazaqstan Prezıdenti qos el bıznes qaýymdastyǵy ókilderiniń ózara saparlaryn uıymdastyryp, ekonomıkalyq yqpaldastyqqa tyń serpin berýdi usyndy.
Mıanma Premer-mınıstri osyndaı qıyn-qystaý kezeńde qoldaý bildirgeni úshin Memleket basshysyna alǵys aıtyp, aldaǵy ýaqytta da birlese jumys isteýge múddeli ekenin jetkizdi.
Budan bólek, kezdesýde munaı hımııasy, aýyl sharýashylyǵy, tsıfrlandyrý, kólik-logıstıka salalarynda yntymaqtastyq ornatý múmkindikteri talqylandy.
Aıta ketelik Qazaqstanǵa Abý Dabıdiń Taq murageri keletini týraly jazǵan edik.
