Prezıdent Qasym-Jomart Toqaev Qytaıdyń Qazaqstandaǵy elshisin qabyldady

Memleket basshysy Qytaı Halyq Respýblıkasynyń Qazaqstandaǵy elshisi Chjan Sıaomen áńgimelesý barysynda ekijaqty yntymaqtastyqtyń qarqyndy damyp kele jatqanyna toqtaldy, dep habarlaıdy Kazinform.

Aqordanyń resmı saıtynyń jazýynsha, Qasym-Jomart Toqaev Qazaqstannyń Qytaımen barlyq baǵyt boıynsha yqpaldastyqty jandandyrýǵa nıetti ekenin aıtty.

"Kezdesýde saýda, aýyl sharýashylyǵy, energetıka, jańa tehnologııa, kólik jáne logıstıka salalaryndaǵy ózara tıimdi qatynastardy odan ári arttyrý mańyzdy ekeni atap ótildi. Sondaı-aq mádenı-gýmanıtarlyq baılanystardy nyǵaıtý máselesine de nazar aýdaryldy", - delingen aqparatta.