Prezıdent Qasym-Jomart Toqaev kásipqoı sýmoshy Ersin Baltaǵulmen kezdesti

TOKIO. KAZINFORM – Tokıoda Prezıdent Qasym-Jomart Toqaev kásipqoı sýmoshy Ersin Baltaǵulmen kezdesti. Bul týraly Aqordanyń baspasóz qyzmeti habarlady. 

Memleket basshysy Japonııada bilim alyp, on jyldan beri iri halyqaralyq jarystarda kósh basynan kórinip júrgen Ersin Baltaǵuldy qazaqstandyqtar maqtan tutatynyn atap ótti.

Sonymen qatar búgin Imperator Narýhıtomen kezdesýde balýannyń jetistikteri týraly áńgime qozǵalǵanyn aıtty.

Qazaqstandyq sportshynyń laqap aty – Kımbozan. Bul – ataqty bapker ári tól sýmo mektebiniń negizin qalaýshy, oıakata Kıseniń týǵan jeri Kýmamoto prefektýrasyndaǵy taýdyń ataýy.

Aıta ketelik Qasym-Jomart Toqaev Rakuten Group kompanııasynyń basshysy Hıroshı Mıkıtanıdi qabyldaǵan edi.