Prezıdent Qasym-Jomart Toqaev Kantsler Frıdrıh Mertspen kelissóz júrgizdi
ASTANA. KAZINFORM – Aqorda Prezıdent Qasym-Jomart Toqaevtyń Kantsler Frıdrıh Mertspen kelissóz júrgizgenin habarlady.
Memleket basshysy ystyq yqylasy úshin Germanııa Kantslerine rızashylyǵyn bildirdi.
Taraptar Qazaqstan men Germanııa arasyndaǵy san qyrly yntymaqtastyqty nyǵaıtýǵa beıil ekenin rastady.
Eki el úkimetteri ózara yqpaldastyqty keńeıtýge barynsha jaǵdaı jasaıtyny atap ótildi.
Qasym-Jomart Toqaevtyń aıtýynsha, Germanııa Qazaqstannyń basty saýda seriktesteriniń jáne jetekshi ınvestorlardyń qataryna kiredi.
Ónerkásip, asa mańyzdy mıneraldar, kólik jáne logıstıka, tsıfrlyq tehnologııalar, sondaı-aq mashına jasaý, hımııa ónerkásibi sekildi qosylǵan quny joǵary ónimder shyǵaratyn salalarda seriktestikti jandandyrýǵa mol múmkindik bar.
Budan bólek, taraptar kópjaqty yntymaqtastyq máseleleri jóninde pikir almasty. Halyqaralyq qurylymdar, sonyń ishinde «Ortalyq Azııa – Germanııa» formaty aıasynda belsendi baılanys qarqynyn saqtaýǵa ýaǵdalasty.
Aıta keteıik, Qasym-Jomart Toqaev pen Frank-Valter Shtaınmaıer Birlesken deklaratsııa qabyldady.
