Prezıdent Qasym-Jomart Toqaev BAÁ Investıtsııalar mınıstrimen kelissóz júrgizdi
Prezıdent Qasym-Jomart Toqaev BAÁ Investıtsııalar mınıstri Muhammed ál-Sýveıdımen kelissóz júrgizdi, dep habarlaıdy Kazinform Aqordanyń baspasóz qyzmetine silteme jasap.
Memleket basshysy Klımattyń ózgerýi jónindegi BUU-nyń negizdemelik konventsııasy taraptarynyń 28-shi konferentsııasy aıasynda Birikken Arab Ámirlikteriniń Investıtsııalar mınıstri, ADQ holdınginiń basqarýshy dırektory Muhammed ál-Sýveıdımen kezdesti. Qasym-Jomart Toqaev pen Muhammed ál-Sýveıdı eki el arasyndaǵy ınvestıtsııalyq yntymaqtastyqtyń qarqyndy damýyna kóńili tolatynyn aıtyp, birlesken ınvestıtsııalyq jobalardy júzege asyrýǵa erekshe nazar aýdardy.
Memleket basshysy konferentsııa aıasynda Qazaqstan men ADQ jáne onyń enshiles kompanııalary arasynda qol qoıylǵan kelisimderdi joǵary baǵalady. Sondaı-aq ekijaqty baılanystardyń qazirgi dınamıkasyn saqtaýǵa daıyn ekenin málimdedi.
Kezdesý barysynda Qazaqstan Respýblıkasynyń aýmaǵynda jalpy qýaty 10 GVt bolatyn tómen kómirtekti energetıkany damytý jónindegi memorandýmǵa jáne qýaty 1 GVt bolatyn jel elektr stantsııasynyń jobasy boıynsha Úkimetaralyq kelisimge qol qoıýdyń mańyzdylyǵy atap ótildi.
Prezıdenttiń pikirinshe, AD Ports Group kompanııasymen aradaǵy turaqty seriktestik Aqtaý jáne Quryq porttaryn Kaspıı teńizindegi basty teńiz habyna aınaldyrýda mańyzdy ról atqarady.
Sonymen qatar kezdesýde Presight pen «Samuryq-Qazyna» qory arasyndaǵy birlesken jobalardy júzege asyrý perspektıvalary, sondaı-aq QazaqGaz jáne «Qazaqstan temir joly» kompanııalarynyń qatysýymen iske asyrylatyn jasandy ıntellekt salasyndaǵy strategııalyq kelisimder talqylandy.
Qasym-Jomart Toqaev Qazaqstanda jumys isteıtin ınvestorlarǵa memleket árqashan qoldaý kórsetetinin aıtty.
