Qazaqstan Prezıdenti Ázerbaıjan Respýblıkasyna memlekettik saparmen bardy
BAKÝ.KAZINFORM – Geıdar Álıev atyndaǵy halyqaralyq áýejaıda Qazaqstan Prezıdentin Ázerbaıjan Premer-mınıstriniń birinshi orynbasary ıAgýb Eıýbov pen Syrtqy ister mınıstriniń orynbasary Samır Sharıfov qarsy aldy. Bul týraly Aqordanyń baspasóz qyzmeti málim etti.
Eske sala keteıik, buǵan deıin Prezıdent Qasym-Jomart Toqaev 11-12 naýryz kúnderi Ázerbaıjan Respýblıkasyna memlekettik saparmen barady dep habarlaǵan bolatynbyz. Eki kúnge sozylatyn saparda Memleket basshysy Prezıdent Ilham Álıevpen kelissóz júrgizedi jáne qazaq-ázerbaıjan joǵary memleketaralyq keńesiniń birinshi otyrysyna qatysý josparlanǵan.
Eki eldiń ózara qarym-qatynasy jáne Qasym-Jomart Toqaevtyń Ázerbaıjanǵa saparynan ne kútýge bolatynyn Kazinform tilshisiniń sholýynan oqı alasyz.
