Prezıdent Qashaǵanda gaz óńdeý zaýyty qurylysyn qarjylandyrýdy shuǵyl sheshýdi tapsyrdy

NUR-SULTAN. QazAqparat – Qashaǵanda qýaty 1 mlrd tekshe metr bolatyn gaz óńdeý zaýyty qurylysy jobasyn qarjylandyrý máselesin shuǵyl sheshý qajet. Bul týraly Prezıdent janyndaǵy Sheteldik ınvestorlar keńesiniń 34-shi jalpy otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Búginde gaz salasy kómirdi paıdalaný deńgeıin tómendetýde mańyzdy ról oınaıdy. Qazaqstannyń gazdaný deńgeıi 53 paıyzǵa jetti. 10 mln-ǵa jýyq azamat gazǵa qol jetkizip otyr. Eldiń ishinde gazdy qoldaný óte jyldam artyp kele jatyr. Bul birinshi kezekte Almatydaǵy JEO-2 men JEO-3-tiń gazǵa kóshýimen, gaz-hımııa kesheni jáne jańa óndiristik kásiporyndardyń iske qosylýymen baılanysty. Kelesi jyldyń ishinde-aq ishki naryqta gaz tapshylyǵy boljanady. Gazben ishki tutynýdy qamtamasyz etý ony eksportqa shyǵarýǵa qaraǵanda sózsiz basym», - dedi Memleket basshysy.

Osyǵan oraı Prezıdent el Úkimetine Teńiz ken ornynyń aktsıonerlerimen birlesip, 2 mlrd tekshe metr gazdy eksporttan ishki naryqqa keri baǵyttaý máselesin qarastyrýdy tapsyrdy.

«Sonymen qatar Úkimetke Qashaǵanda qýaty 1 mlrd tekshe metr bolatyn gaz óńdeý zaýyty qurylysy jobasyn qarjylandyrý máselesin shuǵyl sheshý talap etiledi», - dedi Qasym-Jomart Toqaev.