Prezıdent Qarjylyq monıtorıng agenttiginiń tóraǵasyn qabyldady
ASTANA. KAZINFORM - Qasym-Jomart Toqaev Qarjylyq monıtorıng agenttiginiń tóraǵasy Janat Elımanovty qabyldady, dep habarlaıdy Aqordanyń baspasóz qyzmeti.
Kezdesýde Memleket basshysyna Kóleńkeli ekonomıkaǵa qarsy is-qımyl jónindegi keshendi jospardyń júzege asyrylý barysy baıandaldy.
Janat Elımanov Zańsyz kiristerdi jylystatýǵa qarsy is-qımyl jónindegi ulttyq júıeniń FATF usynymdaryna sáıkestendirilgenin aıtty.
Prezıdent Agenttiktiń jańadan taǵaıyndalǵan tóraǵasyna kóleńkeli ekonomıka deńgeıin tómendetýge jáne qarjy salasynyń ashyqtyǵyn qamtamasyz etýge baǵyttalǵan birqatar tapsyrma berdi.
Aıta keteıik, 16 qyrkúıekte Memleket basshysynyń Jarlyǵymen Janat Qaldybekuly Elımanov Qazaqstan Respýblıkasy Qarjylyq monıtorıng agenttiginiń tóraǵasy bolyp taǵaıyndaldy.
