Prezıdent Qaraǵandydaǵy avtobýs jáne kommertsııalyq tehnıka óndiretin zaýyt jumysymen tanysty
Prezıdentke kásiporyn jumysynyń alǵashqy nátıjeleri týraly baıandaldy.
Zaýyt 2021 jyldan beri jolaýshylar tasymalyna arnalǵan 347 avtobýs pen elektrobýs qurastyryp shyǵarǵan. Bıyl jyl sońyna deıin qoǵamdyq kólik jelisin jańartý baǵdarlamasy aıasynda óńirlerge 700-den asa avtobýs pen elektrobýs jetkizý josparlanyp otyr. Onyń ishinde 208 avtobýs elimizdiń toǵyz oblysyndaǵy bilim berý uıymdaryna jiberilmek.
Zaýyt álemdegi jolaýshylar kóligin óndirýshi Yutong kompanııasymen seriktestik ornatqan. Seriktestik aıasynda kompanııa qazaqstandyq zaýytqa qajetti tehnologııany kezeń-kezeńimen beredi. Qazirgi kezde avtobýstar bólsheginiń 33 paıyzy jergilikti materıaldardan qurastyrylady. Aldaǵy bes jylda bul kórsetkishti 50 paıyzdan asyrý josparlanyp otyr.
Búginde zaýytta 560 adam jumys isteıdi. Eńbek ujymynyń basym bóligi - Saran qalasynyń jergilikti turǵyndary.
