Prezıdent qalalardyń mańynda jeke turǵyn úı qurylysyn jandandyrýdyń jolyn usyndy
ASTANA. QazAqparat - Memleket basshysy Nursultan Nazarbaev Aqordada ótken Úkimettiń keńeıtilgen otyrysynda úlken qalalardyń mańynda jeke turǵyn úı qurylysyn jandandyrýdyń jolyn atap kórsetti.
«Ákimderge memlekettik qajettilikke, onyń ishinde jeke turǵyn úı qurylysyna jerlerdi satyp alý quqyǵyn berý kerek. Bul neni bildiredi? Atap aıtqanda, qalalardyń aınalasynda jáne ishinde bos jer joq. ıAǵnı, qala mańyndaǵy jerlerdi ıelenip alǵandar, endi sony ózderi ustap otyr. Osy rette ákimder bul jer telimderin halyqqa usyna almaıdy»,-dep toqtaldy Prezıdent Aqordadaǵy Úkimettiń keńeıtilgen otyrysynda.
Osy oraıda Elbasy jer telimine negizgi suranys Astana, Almaty, Shymkent, Aqtóbe sekildi úlken qalalardyń tóńireginde ekenin atap ótti.
Sondyqtan da zańnamalyq túrde ákimderge bul jerlerdi qaıtaryp alýǵa múmkindik berý usynyldy. Eger de zań boıynsha paıdanylmasa, onda prokýratýramen birge memleketke qaıtarý kerektigi nemese kadastrlyq qunmen satyp alý baǵyty atap ótildi.
«Bul rette eskerý jasaldy. Jerdi alǵan kezde ferma, úı salatyndaryn aıtqan edi, biraq nysandar turǵyzylmady. Ýaqyt keldi, jerdi memleketke qaıtarý kerek jáne osy sharalardy uzaqqa sozbaý kerek. Bul turǵyda ákimde adamdarǵa ózderiniń baspanasyn salý úshin jer telimin berýge múmkindik bolady»,-dep atap ótti N. Nazarbaev.
Memleket basshysy bul baǵyttaǵy qadamdar jasalsa, qarqyndy qurylys bolatynyn jetkizdi.
«Sondyqtan úlken qalalardyń tóńireginde jekemenshik úılerdiń kóbeıgeniniń eshqandaı jamanshylyǵy joq. Biraq, sáýlettik turǵyda joba boıynsha durys úı bolýy kerek»,-dedi Prezıdent.
