Prezıdent: Kadr quramyn jańartý úderisi bıliktiń búkil tarmaǵynda júrgizilip jatyr
ASTANA. KAZINFORM — Prezıdent Qasym-Jomart Toqaev aýyl ákimderiniń dıalog-platformasynda kadr quramyn jańartý ýaqyt talaby ekenin aıtty. Bul týraly Aqorda habarlady.
Prezıdent eń bastysy naýqanshyldyqqa jol bermeý keregin atap ótti.
- Bárińizge belgili, eldegi ózgeristerdiń arqasynda memlekettik qyzmetke múlde jańa adamdar kelip jatyr. Osy oraıda, Prezıdenttik jastar kadrlyq rezervin erekshe atap ótken jón. Rezervke qosylýǵa ótinish bergen 30 myńǵa jýyq úmitkerdiń ishinen 450 adam iriktelip alyndy. Olardyń 72 paıyzy basshylyq qyzmetke taǵaıyndaldy. Kadrlar quramyn jańartý úderisi bıliktiń búkil tarmaǵynda jáne barlyq deńgeıde júrgizilip jatyr. Bul – ýaqyt talaby. Biraq osyndaı jaýapty jumysta saıası naýqanshyldyqqa jol bermeý kerek. Eń aldymen, tıimdi usynys aıtyp, paıdaly bastamalar kóteretin, batyl sheshim qabyldaı alatyn azamattardy, ıaǵnı kásibı turǵydan bilikti mamandardy memlekettik qyzmetke kóptep tartý qajet. Biz osy mańyzdy jumysty jalǵastyra beremiz, - dedi Memleket basshysy.
Prezıdent Qasym-Jomart Toqaev aýyl ákimderiniń dıalog-platformasynda sóz sóılep, ákimniń, eń aldymen halyqpen tikeleı jumys isteıtin memlekettik qyzmetshi ekenin eske saldy.