Prezıdent Kadr saıasaty jónindegi ulttyq komıssııanyń quramyn ózgertti
ASTANA. KAZINFORM – Memleket basshysy Qasym-Jomart Toqaev Prezıdent janyndaǵy Kadr saıasaty jónindegi ulttyq komıssııanyń quramyna ózgeris engizdi.
– Qosa berilip otyrǵan Qazaqstan Respýblıkasy Prezıdentiniń keıbir jarlyqtaryna engiziletin ózgerister men tolyqtyrýlar bekitilsin, - delingen QR Prezıdentiniń 2025 jylǵy 17 naýryzdaǵy Jarlyǵynda.
Atalǵan qujat boıynsha QR Prezıdenti janyndaǵy Kadr saıasaty jónindegi ulttyq komıssııanyń laýazymdyq quramyna Prezıdenttiń ekonomıkalyq máseleler jónindegi kómekshisi engizildi. Sondaı-aq Prezıdenttiń áleýmettik-ekonomıkalyq máselelerge jetekshilik etetin keńesshisi degen jol alynyp tastaldy.
Bul turǵyda komıssııa quramyna QR Prezıdentiniń ekonomıkalyq máseleler jónindegi kómekshisi Qanat Sharlapaev endi. Ol aqpan aıynda Memleket basshysynyń Jarlyǵymen osy laýazymǵa taǵaıyndalǵan edi.
Eske salsaq, bıyl aqpan aıyna deıin Erulan Jamaýbaev Prezıdent keńesshisi qyzmetin atqaryp keldi. Al 17 aqpannan bastap Ulttyq bank tóraǵasynyń birinshi orynbasary laýazymyna taǵaıyndaldy.